المساعد الشخصي الرقمي

مشاهدة النسخة كاملة : الـــــــــرصاص المنتهــــــي000يالحااااااازم


ضمن السناني
09-09-2002, 04:20 PM
أخوي الحااااااااااااااازم أستلم لاهنت
وألا يالحازم اللي لك ثلاث شهور فالضيقه=سمعت انه في وسط خمال ناشف دمه وريقه
لكن أنت الذي متهوم في بعده وتفريقه=عسى الله ينصر الاسلام ويعز السعوديه

ياسلام الله سلامٍ على الحازم سلام=عد من صيف بينبع وشاف أمواجها
والرصاص المنتهى لا تحط بالحزام=بعد ما طاحت نجومك لقينا تاجها
الحازم
09-09-2002, 09:41 PM
خلوووووووووووووووووووها


عسى ربي يعدّل ضيقة القاصي من الداني = ترى ماقصدي التفريق بين فلان وفلاني
أنا قصدي نكمّلها ونرسمها بعنواني = عسى الله ينصر الإسلام ويعز السعوديه


ياعساك تدوم ياصاحب العرف التمام = والحقيقه ينبع أهلي وناسي ناسها
جوّد حزامك وتلقى الحلال من الحرام = لاتحسب المقفيه مالك انت ومالها


اخوك / الحازم
ضمن السناني
10-09-2002, 02:11 AM
خلووووووووووووووووووووووووووووووهااااااااااااااااا ا
أنا داري عن المقصد وأناداري من الجاني=تراه أنت الذي متهوم مافيها خبر ثاني
دليلاً ثابت مثبت وفوق العلم برهاني=عسى الله ينصر الاسلام ويعز السعوديه

ويش عذرك لابن عمك على هالكلام=وأنت عارف ترى المله ومنهاجها
والحزام مجوده والفشق معه الحسام=والله اني عارف (ن)مدخل ومخراجها
:D :D
الحازم
10-09-2002, 11:32 PM
اخوي ضمن استلم لاهنت


حسبناها بيوم ويوم قبل اليوم او بعده = ولكن مالقينا غير برق الغيث مع رعده
وشفت الرجل لو يعرف مواعيده لقا وعده = عسى الله ينصر الإسلام ويعز السعوديه


بعض ناسٍ ماتعرف الزوال من الظلام = تترك الهرج الجميل وتحب اعواجها
يوم يتبع للشهر والشهر يتبع لعام = والقلوب القاسيه حافظين علاجها


اخوك / الحازم
ضمن السناني
12-09-2002, 02:27 AM
خلووووووووووووووووووووووووووووووووووووووووها
حسبت وماحسبت اللي حسبته في حساباتك=ولوحاسب على الحاسب حسابه حسب غاياتك
على الموعد حضوره وانصرافه والوعد فاتك=عسى الله ينصر الاسلام ويعز السعوديه

كان فالمجلس ترى صارفرقه وانقسام=الوسيعه لاتضيق عليك أفجاجها
وأنت يالحازم عليك الخطأ والاالملام=والعيون النايمه ما تفل حجاجها
الحازم
12-09-2002, 03:06 PM
تفضل لاهنت


سمعت اللي تناقله العرب واللي يقولونه = وأظنك عارف المزيون لاغنّى لمزيونه
يقول الحق بين الناس كلمة صدق مضمونه = عسى الله ينصر الإسلام ويعز السعوديه


غنّ ياطير الوفاء طير ياطير الحمام = روح واسرح فالمشاعر مثل حجّاجها
السناني يوم شاف السواري والسهام = صار يمشي بين شمعاتها وسراجها


اخوك / الحازم
ضمن السناني
13-09-2002, 01:09 AM
خلوها00خلوها
تسمع في هروج الخلق واللي قالوا وقالوا=ياكثر الهرج يالحازم ولوصالوا ولو جالوا
لكن الحق لأهل الحق يالحازم ولا زالوا=عسى الله ينصر الاسلام ويعز السعوديه

خرجكم ياصاحبي طاح من فوق السنام=يوم طاح شدادكم وانعرف ديباجها
والفشق والسيف في كفي ايقص العظام=ومايموت اللي ورد(تيماء)وهداجها
الحازم
13-09-2002, 02:27 PM
استلم لاهنت
سمعت ان العيار اللي تعدّى للهدف مره = ولو هو مايصيبه صار في وسط الصدر حره
ولكن مانبا نخلط بخير اليوم مع شره = عسى الله ينصر الإسلام ويعز السعوديه


علمنا ثابت مابين المؤذن والإمام = أربع فصول السنه بس كم أبراحها
ويش تملك وانت توّك رضيع من الفطام = تمشي العربان وانت تلم عجاجها


ولك تحياتي

اخوك / الحازم
ضمن السناني
13-09-2002, 03:22 PM
خلووووووووووووووووووووووووها
أقول ان الشعر ماعاد لامعنى ولامغنا=وأقول ان اليمين اقبول وأنت اللي ملوعنا
تراك بشاشة الانتر وكل الناس تسمعنا=عسى الله ينصر الاسلام ويعز السعوديه

مانويت أكسب ترى فيكم ذنوب واثام=لو ترى بعض العرب في يدي كرباجها
والرسن في ايدي وخشيمها في الخزام=مير روس البل ماهي بمثل انعاجها
الحازم
13-09-2002, 03:42 PM
استلم لاهنت


ليا ضاقت عليك تقول لامعنى ولاقافي = تحاول تخفي الموضوع وتغطّيه بلحافي
ولكن لو تغيّر وقتنا صافي على صافي = عسى الله ينصر الإسلام ويعز السعوديه


ليتك اللي تقدر تصوم في وقت الصيام = الضيوف ان جتك لاتبتدي بإحراجها
وكان راحت قلت لازم نلبّسك الزمام = ونسحب الثنتين نرمي بها في صاجها


اخوك / الحازم
ضمن السناني
13-09-2002, 04:06 PM
خلوووووووووووووووووووووووووووووووووووها
ليا ضاقت عليه ربنا اللي يفرجها=لكنك ياصحيبي لاتعد عن مدرجها
ترى القصه برمتها مسلسل وأنت مخرجها =عسى الله ينصر الاسلام ويعز السعوديه

قمت تزحر قالوا الحازم فساعة وحام=والولاده ماش يوم ان بأن انتاجها
مير نور الشمس ياصاحبي يجلا العسام=يوم طحتوا بين أثلها وبين ارتاجها
:D
الحازم
13-09-2002, 04:47 PM
استلم لاهنت


اظنك عارف المعنى عميلٍ من معاميله = ولكن السناني باينٍ حلت صواميله
ماعاده يقدر يوازن مابين الحط والشيله = عسى الله ينصر الإسلام ويعز السعوديه


يارجل مدري ولد قوم يالله ياغلام = أحسن أدلّعك واعرف ترى محتاجها
كان جاتك بين حد الخشم فوق اللثام = فوج واحد والبقيّه تجيك أفواجها


اخوك / الحازم
ضمن السناني
13-09-2002, 05:12 PM
خلوووووووووووووووووووووووووها
ترى ماودنا نغلط على بعض العرب من شأن=وراهم عزوة(ن)فيها رجال(ن) تكرم الضيفان
لكن الشعر له وقفه وله معنى وله ميزان=عسى الله ينصر الاسلام ويعز السعوديه

شاربك تحت المقص لايباع ولايسام=وقيدكم شبر وفتر وأنت وسط سياجها
مالقينا لك ميقاف(ن) معالربع الحشام=ياجزيره كل من طب فيها داجها
الحازم
13-09-2002, 05:34 PM
تفضل لاهنت


ولا ياضمن بن عواد خل العلم بين وبين = ترانا مانحسب المقفيه مانرتجي بعدين
يقولون الطوابير الصباحيه ثنين اثنين = عسى الله ينصر الإسلام ويعز السعوديه


شاربي حاميه ليتك تعرف الإنتظام = والديار ديار ربعي بكيف مزاجها
لاتظن ان النهايه بضحكه وابتسام = كل روحٍ حسب الأعمال في معراجها


اخوك / الحازم
ضمن السناني
13-09-2002, 05:41 PM
أخي العزيز/الحازم


وفيت وكفيت


وبيض الله وجهك على المحاورة الشيقة


وتقبل تحياتي