للبنك مع التحية

[الفكر]

للشاعر البنك مع التحية والتقدير

سلام لجل السلام وجوب = مخصوص للبنك حررناه
سلام يارايق الأسلوب = ياعد لاهل المثل تنصاه
آنا عن الدايره مندوب = وإحرص وراها المعاني قضاه
يراجعون الذي مكتوب = ويحاسبونه على معناه

[مستشار البنك]

الاخ الفكر
كل عام وانت بخير
والمعذره على التأخير
يامرحبا والأدب مطلوب = مع الذي قصدهم مبناه
أستقبل النصح والمكسوب = وأقدره وأحفظه مانساه
آنا جعلت السهم منصوب = للي خطاويه ماتقداه
إما رجع عن خطاه يتوب = أو يحتمل ماجنت يمناه
/////
البنك

[جوال همر]

لا حول ولا قوه الا بالله ياللي فى بالي ياما نصحتك عن البنك ما سمعت كلامي,,,, ما ينفع الكلام الحين اللي حصل حصل المهم الأن لازم نفكر بالخطوه الجايه ,,, البنك ذكرني بالسيد بوش رئيس أمريكا عندما كان يجهز لضرب العراق أول شى حشد جميع القوات فى الخليج وبعدين بدأ يطلب من أبوعدي طلباته وابو عدي ينفذ وأخرتها قال مخبي أسلحه والعالم كله يقول مافى أسلحه وبوش يقول فيه ,,, شوف (ياللي فى بالي )الضربه حاصله حاصله من البنك حتى لو أعتذرت وتبغى رأي لا تعتذر مادمت على حق ومدام الضربه حاصله حاصله خليها بشرف واذا الله كاتبلك نجاة تراها بتكون أما على يد ابو فواز أو البندر أنا لا تدور من عندي غير التشجيع لو صار شي ,,,,, همر واللي فى بالي قمر

[الفكر]

سوى الخصم فالخفا ملعوب = وصارت يميني على يسراه
آسي وقسّى معاه قلوب = وسوى بري من خطا سوّاه