ليـــــــــــــــــه بس كذا ؟؟؟ يا غالي

[الميزان]

انا معه كنت متعاطف=واقول عنده سبب خلاه
لكن بعد كلمته آسف=عرفت إنه خطا سواه

[الضالع]

اخوي الميزان
ارجو قبول ردي التمواضع



خلك معه دوم متلاطف= وانسى معه جرحكم والآه
مادام ان اعتذر عارف= انك توده ولا تنساه

[المرصص]

اخيرا المرصص وجها لوجه مع الميزان

كلاتنا للمثل شايف = المنتدى قال ياويلاه
والان طيب النبا طايف = وقلوب رجعت لمن تهواه

[الميزان]

يا هلا وغلا
يا هلا والله
بتوأم روووووووووحي
المرصص الغالي

استلمممممممم يا عسل والله يجيب العواقب سليمة ;) !!!!!!!!


يجوز والكل متآلف=وزهور ما بينهم مهداه
فجأة يصير الزهر تالف=بلا سبب والمياه حداه ؟!!

[المرصص]

عرفت إن السبب هايف = والشر يبغى يمد خطاه
والان ميلافهم نايف = وخلافهم كلنا ننعاه

[أبو زارع]

من عندكم جات مايخالف = والطيب يبقى لنا ذكراه
لو شفت ماني لكم حالف حالف = تهتز من هولها المأساه

[الميزان]

بلا سبب ما حذف حاذف=ما دام عنده عقل يقداه
وان كان راع العقل قاذف=يا كبر ذاك الخطا كبراه

[الميزان]

محتار فالطالع السالف=من بعد معطا عطا يمناه
الآن عوّد لنا ناكف=عساه يشرح لنا دعواه

[أبو زارع]

انزلتك الموقع النايف = واللي له القيل مايخفاه
والرد عكس الذي واصف = وش الذي اخلفه معناه

[الميزان]

يا هلا بالأخ العزيز أبو زارع
شرفتنا يا طيب


قريت لي قول مترادف=أعذب من العذب في منشاه
ما قلت بعد الصفا يصادف=تعكير له ما توقعناه