متعـلقـه روحها بالأمـس

[العطاوي]

اللي مضت للأسيه أُنس=مالقيت فيها سبب أُنسي
متعلقه روحها بالأمس=فهـمـومها تصبح وتمسي

[أبو زارع]

يا مرحبا يارهيف الحس = كل حسب وجهته يرسى
عاداتها دوم فيها اللبس = ويكون فيها الاسى منسي

[العطاوي]

أنسـتنا يالطيف الهمس=أشكيلها الحال في نفسي
لقـيتها تردني للحمـس=من يوم حـطـوا لها كرسي

[أبو زارع]

القيل يغلب عليه الطمس =ونشوف فيه الذي يقسي
اقرأ مابين السطور وجس =و لا تاخذ المساله شخصي

[العطاوي]

لأجدادنا فالمعاني لمس=عاالجرح ما يخطي اللمسي
واليوم راحت ظحـية فرس=عـلاجها يزيد في حـبسي