حد السيف
15-11-2005, 05:08 AM
هذه قصيدة سمعتها في برنامج المجلة الشعبية الذي يقدمه ناصر الراجح من إذاعة الرياض منذ عشر سنوات ولا أدري من قائلها
وهذه قصيدة جميلة ورائعة ولعلها تنال إعجابكم
يا الله تحيي بالحيـا كـل الأوطـان=سيل من الوسمـي يعـم الجزيـره
تنشي من المنشا ثقيـلات الأمـزان=اللي بهـا البـارق سـواة السعيـره
نون يهول اللـي يشوفـه بالأعيـان=أسود وكن الليـل الأسـود خشيـره
يمطر والى أمطر صار للجو دخـان=من قو هملـول المـزون الغزيـره
ناخذ ثلاث أيام والنـور مـا بـان=لـو كـان للبـراق نـور ونيـره
والماء زمى والروض مليان مليـان=والوادي اليا فـاض نسمـع هديـره
وتباشروا بالسيل حضـر وبـدوانا=لفرحـة أكبـر والسعـادة كبيـره
ما عاد ينشد راعي الطرش والضان=وراع الفلاحـة ريـح الله ضميـره
ونبت النبات وزان طلع الحيـا زان=فالضلـع بـذر وفالزبـارة بذيـره
وعقب شهرين بحيل خلاق الأكـوان=تلقى الزبيدي نابـت فـي محيـره
الأرض خضراء مخضره تقل بستان=والريف والأرياف في كـل ديـره
كثر النبات وطلعه أشكـال وألـوان=وإن نسنس النسناس فـاح بعبيـره
حب الربيع لطـال بالخيـر عنـوان=نبيـه لـو حتـى ليالـه قصيـره
هذا ويا رب المـلا عالـي الشـان=لعل ما في الغيـب خيـر وخيـره
ولكم تحياتي وتقديري
الونيـــــــــــــس
وهذه قصيدة جميلة ورائعة ولعلها تنال إعجابكم
يا الله تحيي بالحيـا كـل الأوطـان=سيل من الوسمـي يعـم الجزيـره
تنشي من المنشا ثقيـلات الأمـزان=اللي بهـا البـارق سـواة السعيـره
نون يهول اللـي يشوفـه بالأعيـان=أسود وكن الليـل الأسـود خشيـره
يمطر والى أمطر صار للجو دخـان=من قو هملـول المـزون الغزيـره
ناخذ ثلاث أيام والنـور مـا بـان=لـو كـان للبـراق نـور ونيـره
والماء زمى والروض مليان مليـان=والوادي اليا فـاض نسمـع هديـره
وتباشروا بالسيل حضـر وبـدوانا=لفرحـة أكبـر والسعـادة كبيـره
ما عاد ينشد راعي الطرش والضان=وراع الفلاحـة ريـح الله ضميـره
ونبت النبات وزان طلع الحيـا زان=فالضلـع بـذر وفالزبـارة بذيـره
وعقب شهرين بحيل خلاق الأكـوان=تلقى الزبيدي نابـت فـي محيـره
الأرض خضراء مخضره تقل بستان=والريف والأرياف في كـل ديـره
كثر النبات وطلعه أشكـال وألـوان=وإن نسنس النسناس فـاح بعبيـره
حب الربيع لطـال بالخيـر عنـوان=نبيـه لـو حتـى ليالـه قصيـره
هذا ويا رب المـلا عالـي الشـان=لعل ما في الغيـب خيـر وخيـره
ولكم تحياتي وتقديري
الونيـــــــــــــس