المساعد الشخصي الرقمي

مشاهدة النسخة كاملة : الحازم اللي طاح في جمة البير


ضمن السناني
30-08-2002, 05:38 PM
أخي الحازم أستلم لاهنت
من يوم ماجيت يالحازم ترى العلم خير=من بعد ماجيت مالك مفر ولا مطير
أحسبك ياصاحبي عندك علوم وخبير=والدهر يومين يوم(ن)لك ويوم(ن)عليك

سلام رده للرجال المناعير=أهل الوفا والطيب وأهل المروات
الحازم اللي طاح في جمة البير=نقرأ عليه الفاتحة والتحيات
الحازم
08-09-2002, 01:08 AM
اخوي ضمن

المعذره عن التأخير في الرد

واستلم لاهنت


ياصاحبي ضمن قول العلم وسط الفصل = ماعاد نقدر نعيد العلم مهما حصل
عساك تعرف حقايق ثابته بالأصل = والدهر يومين يومٍ لك ويومٍ عليك


دام البقا ياأهل الوجيه المسافير = أهل الكرم والعز في كل الأوقات
اللي مشى وسط الليال المغاتير = لاتلوم ذاته لو تغيّر على الذات


اخوك / الحازم
ضمن السناني
09-09-2002, 01:41 AM
هلاااااااااااااااااااااااااااااااااااااا أخوي الحااااااااااااااااااااااااااااازم

والله سعيد في عودتك أيها الصديق النبيل


وأستلمممممممممم
فالفصل ياصاحبي نشرح علوم ودروس=مار أنت مادري مع اللي (نام) والا (الجلوس)
بين (الثنايا) تراك أنته وبين(الضروس)=والدهر يومين يوم(ن) لك ويوم(ن) عليك

ماعاد به حيله وفكره وتدبير=من بعد والله ما كشفنا الملفات
اللي بها تغيير وأضح وتزوير=وفالمحكمه باقي دعاوي وجلسات
الحازم
09-09-2002, 10:40 PM
اخوي الغالي ضمن

استلم لاهنت


العلم واضح وباين بين كل الوجود = ياللي تعرف الركوع ولاتعرف السجود
لكن يومٍ مضى لابد ذكره يعود = والدهر يومين يومٍ لك ويومٍ عليك


ماكل من حارب يسمّونه الزير = ولاكل من غنّى تساعده الأصوات
الحر مايزعجه صوت العصافير = والمحكمه تلقابها قاضي إثبات


وتقبل تحياتي

اخوك / الحازم
ضمن السناني
10-09-2002, 01:14 AM
خلووووووووووووووووووووووها
لجل أيش يوم أنك اتلف وعليناتدور=ما تدري اناعرفنا وأيش وسط القدور
ياطير ودك ترى في لقمةٍ للصقور=والدهر يومين يوم(ن)ويوم(ن)عليك

حنا ليا جينالفينا طوابير=يوم انها مابين غزوه وصولات
والوسم بين ماحصل فيه تغيير= خضر البطاقه بين ذيك البطاقات
الحازم
10-09-2002, 11:43 PM
اخوي ضمن استلم لاهنت


الموج وسط البحر والا على الجال ضاع = فسّرها ياللي تقول ان السفينه شراع
واللي عرف للمقابل ماجهل بالوداع = والدهر يومين يومٍ لك ويومٍ عليك


ترى مانبغى نبتدي ندهن السير = خل السوالف بين الأحياء والأموات
الفلم جوف الكيمره جاب تصوير = حتى المباني واضحه والملفات


اخوك / الحازم
ضمن السناني
12-09-2002, 02:10 AM
خلوووووووووووووووووووووووووووووها:eek:
موج البحرلاصفق ياصاحبي فارتفاع=مابين جزره ومده وعمقه وقاع
بينك وبين المسافه ترى لحظة وداع=والدهر يومين يومٍ لك ويومٍ عليك

ان كان جده غير ينبع ترى خير=في صفحة الأمجاد ماهي (عرب)سات
وشتان بين اثنين والمسك والكير=والحر يفهم من رموز الاشارات
:D
الحازم
12-09-2002, 03:18 PM
تفضل لاهنت


يازين علمك لو انك تابعٍ للعرب = لكن ماضيّعك غير اللهو والطرب
واللي غرب ماشرق واللي شرق ماغرب = والدهر يومين يومٍ لك ويومٍ عليك


جدّه تراها غير ينبع ترى غير = والفرق واضح بين ذيك المحطّات
ياضمن جاك العلم مرفوق تقرير = واللي يصيد الحوت نادوه حوّات


اخوك / الحازم
ضمن السناني
13-09-2002, 12:38 AM
خلوووووووووووووووووووووووووووها
اللهو ياصاحبي ماهو بلك ولا لي=حنا ترى سيفنا سيف ابن طالب علي
واللي غرب لو شرق ماهو بمعتلي=والدهر يومين يوم(ن)لك ويوم(ن)عليك

لا تحسب ان العلم شوته وتمرير=وفوق المدرج ترفعون الشعارات
بكره ليا هبت عليك الاعاصير=لا تنتخي في حرب ولا الشرارات
الحازم
13-09-2002, 02:36 PM
استلم لاهت


اللي تعدّى حدوده يوم مر البحر = يوم انشدوه الجماعه قال قصدي سحر
مايدري ان العيون تموت قبل النحر = والدهر يومين يومٍ لك ويومٍ عليك


الرجل لو يتبع هروج الأساطير = ماتنفعه كل القصص والحكايات
حنا نثبّتها بزين التعابير = مانترك العزوه ولو جات ماجات


اخوك / الحازم
ضمن السناني
13-09-2002, 03:07 PM
أخوي الحازم

بيض الله وجهك وفيت وكفيت

(وما نترك العزوه ولوجات ماجات


وأعتقد المعنى اكتمل وتقبل تحياتتتتتتتتتتتتتتتتتتتتتتي