كيف البصيره وكيف الراي

[ناصر المحياوي]

نأمل من جميع الشعراء المشاركة بالرد وشكراَ للجميع


أحترت وأبغى أنشد الأصحاب=كيف البصيره وكيف الراي
صغير سني وراسي شاب=تمشي أموري بعكس خطاي
صبرت لكن الصبر ماثاب=وتملك الحزن كل اعضاي
ماشكي عذاب الهوى الغلاب=أنا أشتكي جور من دنياي

[ابو فواز]

الأخ الشاعر ناصر المحياوي اليك ردي على كسرتك
وتحياتي لك


شكواك وصلت لحد الباب= والحال عكر صفا مجراي
والعافيه فوق كل حساب=اما القدر عادته مضاي
ومادام وضحت لنا الأسباب=هذي نصيحة عليها امضاي
لاتقول صبري معيّ خاب=معواض ربك معك فالجاي

[عيسى حامد]

لاتقول ماني لروحي حاب=إن كان تفهم رطين إلغاي
من ربي أًنزل علينا كتاب=ونتا لك الله رايح جاي
الزاجل

[بنك التسليف]

الكل عايش وهو مرتاب = من وقت يشبه رحى الرحاي
دنيا وكالة بدون ابواب = هذاك رايح وهذا جاي
ومهما ترى فالزمان انشاب = خلك لرب السماء شكاي
هوالذي يرفع الاسباب = مولاك مولى البشر مولاي

[أبو زارع]

الشاعر ناصر المحياوي اشكرك على هذا المشتكي الرائع . كنا نود المشاركه ولكن ردو عليك فطاحله ابو فواز وبنك التسليف ما عاد لنا مكان طفونا يا ناصر الشكوي لله بصراحه وبدون مجامله قمه مشتكي ورد ودخولنا للاستفاده وتسجيل اعجابنا . اخوك مخلص