كسرات موجهة من الشاعر عواد عبد الغفار في منتدى الشعر المعاصر

[الآتي]

هذه الكسرات التي وجهها الشاعر عواد عبد الغفار في منتدى الشعر المعاصر ننشرها هنا ليطلع عليها الجميع وسنتابع معكم الردود أولا بأول إن شاء الله0




كسرة موجهة لمنتدى الشعر المعاصر :

للمنتدى والذي يحويه=ومراسلينه على الشاشه
سلام من خاطري اهديه= لقلوب وعيون رماشه


كسرة موجهة للشاعر ابراهيم الوافي :
سلام يا ايها الوافي= ياللي وريث الرمل وصفك
سؤال لا تحسبه خافي= قللي عن الود في عرفك



للآتي :
انا بدون الوصال اموت= ما عيش الا من وصاله
حتى وانا فداخل التابوت =اتذكر الود وافعاله


للعم محمد مستور :
يامن من القاهرة واصل = بعد الاجازة اخذت اسبوع
قللي عن اللي لكم حاصل = مادمت ناوي على مشروع



محمد مسعود حمدان :
مادام علم الفلك يوحي = عن حالة الجو والاعصار
انا هوايا سبب نوحي = لجل ايش ما بان فالرادار

طلال سويعد :
ياليتني مت قبل اليوم = قدام ما اسمعه صوته
وحرصك علينا نهار تلوم=اخوك عايش على صمته
لـ مرار :
أبغاك صدفة تجي مرار = لا جيت جدة اشوفك يوم
اخذ واعطي معك اشعار = ما يسير ابقى كذا محروم


عبدالله عباس :
يا عازف العود يا فنان = واعرفك تعزف على القانون
سؤال جاوب عليه الآن = هو الهوى احساس ولا ظنون



النرجسي :
قللي متى يقطف النرجس = فالصبح ولا لاحان الليل
ولا إذا الليل لا عسعس = ولا إذا غاب نجم سهيل


حسن بن صغير :
قررت لولا الرحم لا شكيك = واجعل حكمنا ابو ياسر
يامن نسيت الذي شاريك = ونتا دواما على الخاطر


سالم باحكيم :
يا سالم اليوم ابغى اسألك = ليا في وسط البلد موضوع
أرضي وعندي معايا صك = ناوي وابني بها مشروع



فوزي شتيوي :
من بعد قالو لنا عنك= إنك في رسم المثل فنان
محتاج اسمع نغم منك = يطرب أذن تسمع الالحان

[مشعل الشريف]

أخي العزيز الآتي شكرا لمجهودك السخي , وأرجو أن تسمح لي بكتابة ردي , مع شكري للشاعر الكبير عواد عبدالغفار الذي شرفني بهذه المراسلة .
الوردماينقطف يغرس= نرعاه وندلله تدليل

واجب علىالشاعراللّي يحس= للوردمايقبل التنكيل

[الآتي]

اخي خادم ينبع

إليك ردي المتواضع لى الشاعر الكبير عواد عبدالغفار .



لا شك فعل الهوى مثبوت = ياما منه عانت رجاله
ندرى على فعله الممقوت = لا ربما ينتعش حاله



وكذلك اليك الرد من الشاعر طلال سويعد :



ما كل عاشق ترى محروم = يكفيه لحظات من وقته
وان كان في صمتهم ملزوم= يرضيك ما كان أملته