الي حبيبي دايم الود

[أبو زارع]

يا دايم الود في ودك = والود ودك يدوم الود
يا منبع الود ونعدك = فالود دايم وفي العهد

[دايم الود]

يا مخلص اليوم من قدك = يللي مزياك ما تنعد
تلميد فالمدرسه عندك = ماني لكم فالموده ند

[أبو زارع]

اشكرك اخوي دايم علي الكلام الي لا طفتني فيه وهذا من طيب اصلك وتسلم حبيبي


شاعر ومحفوظ لك مجدك = ومثلك لنا فالزوم تسد
ارجوك تبدي لنا رأيك = في معضله سابقه وتجد

[دايم الود]

انا معك طوع في يدك = حتى معك للجبال نهد
بس انت يبقى لنا جهدك = وانا لها كل ما تشتد

[أبو زارع]

دندون والكل يشهد لك = ويبان فعلك فوقت الجد
اخاف من شدته نهلك = لجله وصل للفؤاد ومد

[دايم الود]

لاتقول لي الشوق غرر بك = وردك غصب للمآسى رد
يبقى لنا شي مستهلك = ما ظن يتكرر المشهد

[أبو زارع]

يالعن ابو الود لاستملك = يمسك لك القلب مسك اليد
وتعيش وياه في معرك = كل ما ترخي معه يشتد
ويصحابنا سامحونا


دايم هذا كلام تلميذ متدرب اجل انا في الروضه علي كذا نترك الحكم لشعرائناالكرام لكي يدونو ملاحظتهم على اللحن وإذا وجدت ملاحظات نقبلها بكل ترحيب ابو سفيان ابو رامي ابو ياسر مروركم مهم علشان ما نتورط بعد كذا ونسوي فيها شعار وانتم اهل القرار في المنتدي فالنجاح يجير لكم وكذلك الفشل احنا برا الموضوع وياليت النقد امام الكل لكي تعم الفائده الجميع ونرحب بالجميع وعلى فكره الموضوع ماراح يتكرر الافي اليوم الوطني السنه القادمه انشاء الله ابو ياسر متخيله يقول الحمد لله ان اليوم الوطني كل سنه

[أبو جميلة]

بما انك قلت (وياليت النقد امام الكل) فأنا بقول رأيي وعاد النقد يكون من الشعار الشعار على اسمهم ليس من امثالي المتعلمين

ما اقول الا انني استمتعت بالكسرات وبس
وتسلم يا دايم الود ويا مخلص المطنش