عندي شهادات ممضية

[ابو فواز]

عندي شهادات ممضية=وموثقه من رجال ثقات
ماجابها مخلف النية= اللي بلاه المرض فالذات

[المستقل]

بعض الشهادات فـخريه = لاجــهد فيها ولا صولات

حسب العلاقات معطيه = في ساحة الجد مالها حسبات

[أبو سفيان]

الأخ المستقل لو سمحت أولا : عــدل الغصن الرابع المكسور:
في ساحة الجد مالها حسبات

عزيزي / أبو فــواز إليك هذه الشهادة :


انتا حواليك محمية= ورجال تمضي لهم قالات

واللي أساميه مخفية= عـدى عليه الزمان وفــات

[منار القاف]

صولات فالفن مرئيه = بانت لها فالسما لمعات
تثمين بصكوك رسميه = توثّقة للصفا ميقات

[عبدالله]

اقل مايمكن اقوله
لهذا الرجل
المثمن
لك ود في قلوب مخفيه = بانت في وقت اللزم رايات
صكّت لك صكوك شرعية = الكل وقع لها بإثبات

[ناصر المحياوي]

اقول من صافي النيه= وانا لا قلت احسب الجابات
شهادتك جات دوليه= جاتك من اكبار شخصيات
ولو كان بعض العليميه= من الحسد صابته حسرات
رايه بكم صفر بالميه= ماله على مثلكم قدرات

[ياسر الكبيدي]

إذبح وانا دافع الديه = واكفنوا بفعلته لامات
الي يتلاوس كما الحيه = ماعندها فالأمل غايات

مع خالص التحيه

[أبو زارع]

المستقل خلك بحسرتك وازيدك من الشعر بيت



ابشرك جات فخريه = ولا جهد فيها ولا صولات
وتحرم على اسود النيه = اللي لهم فالحسد عادات

[المستقل]

كــــــل له رأي نـــــحـــــترمه وقد لاأتفق معه


ولي راي مـــــــــتــــمسك فيه ولا أصــادره

[البندر]

كــــــل له رأي نـــــحـــــترمه وقد لاأتفق معه


ولي راي مـــــــــتــــمسك فيه ولا أصــادره

اول شي اعدل الجدع المكسور وبعدين تعال وتفلسف

يالمستقل اقول مثل ماقال حبيب البي المخلص موت بحسرتك

[المستقل]

مـــــــتـــــمسك يالبندر بالمكسور وغير المكسور


وخلك مــــبـــــسوط

[أبو فياض]

الحي يحييك مازيه=مثل الدواء فاصعب الحالات
وانت الذي ناركم حيه=ومثمن القيل فالساحات

[أبو زارع]

ابو فواز يا مثمن الف مبروك على هذا الكم الهائل من الحب الصادق تجاهك وهذا هو المكسب الحقيقي في في هذه الحياه تستاهل وانت بدورك انسان محب للجميع وتجبر الكل على احترامك بأخلاقك ووقفاتك الرجوليه والكل يشهذ لك بذالك. شوف يا بو فواز ازعل لو ماتضحك انت وابو فياض على البيت الثانى.




دايم على هيبته ذيه = ما تهزه الريح والحايات
ولا شاف شغل الكلمجيه = يصد ويزود الضحكات

[المستقل]

إلى المؤيد الكبير


عـــندي على ماأدعي ميه = شـهود تــشهد على مافات

إن الشهادات ملغيه = لاجات بالزور والصحبات

[ابو فواز]

أقواله الزيف ممحيه=والحق صدق عليه اقضات
واعوانه ،،،،مخزيه=اللي له أسمين معروفات