سلّم

[خليل]

باقي على الود في ودي = ولاجاه مني اسى وقصور
اشبه إذا مر متعدي = مايقول حتى صباح النور
مع تحياتي

[الساعي]

لجل الوفاء فيك خذ ردي=اعجبني اللؤلؤ المنثور
كسرة اعطر بها يدي=بسلام صادق الى الدكتور

دكتور او سلطان المقصد شاعر كبير اسمه لا يغيب عن ذهني عند ذكر الكسرات واهلها الكرام .
__________________________________________
على فكرة انا نسيت اقول للولد مرسول ولجاري مخلص انك من اعز كبار الزوار ويهمني زيارتكم وانشاء الله في شهر رمضان الكريم .
الله يا ابو هاني يبلغنا و اياك __اياه والسامعين .

[القالط]

الى استاذى ابو هانى
يمكن حسد جايله بدى = ولا فرح فاقده وسرور
قله ترى الحال متردى = من هجركم قلبنا مكسور

[خليل]

اهلا اخي الساعي

ترحيب ما يدركه عدّي = للساعي اللي يرش عطور
ومن طيبكم ناخذ وندي = ونبني على طالع المسطور

اهلاً اخي القالط

لو يسمع الشور ويهدي = نعطيه حلو العسل مقطور
لكنه اليوم متحدي = واشوف في مشيته مغرور

[القالط]

الى ابو هانى مع التحيه
اذرف امامه دمع جدى = وارسل رسايل سطور سطور
وعن غيره الود لاتبدى = خلك معه لو شهور شهور

[ابو فواز]

الأستاذ/ خليل
تحية طيبة وبعد
كل عام وانتم بخير
في بداية العام الدراسي ونسأل الله ان يعينكم على تحمل المسؤلية

اشوفك اليوم تستجدي = تلعب على القاف والمجرور
يمكن لك الودمتحدي=وللود حالات فيهاقصور

[خليل]

اخي القالط
بذلت في وصلهم جهدي = ولازلت ابحث عنه وادور
ولا احط يدي على خدي = شغال بس البخت مدمور
هلا يابوفواز
انا إذا جيت من قدي =اقطع بهم لابغيت بحور
بس الحيا في متعدي = واراعي القن والدستور
مع تحياتي

[دفاولا]

ايش الكلام الرايق والراقي معا
جينا متأخرين

[ابو فواز]

اللي جفاكم حسب نقدي= ماهو على موقفه مشكور
مثلك به الناس تستقدي =ويكفيك حبك من الجمهور

[إبراهيم المحياوي]

ياسلام يا أساتذه
والله ماأقدر أقول غير الله يعطيكم العافيه
بس وأطلع

[خليل]

حسب الطلب جيت ومهدي = رايق واسمع لهم واشور
واسقي لهم زرع من عدّي = لكن طلع في اراضي بور
مع تحياتي

[ابو فواز]

الأستاذ/ خليل
اليك ردي الأخير


خارج عن القن في بندي=اللي حصل من ظلال وزور
موقفك معروف وتسدي=عليه تشهد رجال حضور

[خليل]

شكراً لكل من شاركني بطيب حرفه
ـ الساعي القادم بجمال حرفه وروعته
ـ القالط بمشاركته الرائعة المتدفقة حب وصفا
ـ ابوفواز المثمن للقيل وسبره لأغوار الكلام
ـ دفاولا برقة مشاعره
ـ راعي البل بتعليقات المتذوق
لكم جميعاً وللجميع خالص تحياتي