الي الاستاذ منار القاف

[أبو زارع]

ارجوك يا صقر يا قرناس = ابغاك لحظه قبل لاتهد
فالقيل انت لنا نبراس = لابد ترجع لنا وترد


اخوك مخلص الحكيم سابقا

[منار القاف]

موجود يا مرهف الإحساس = نرعاك بقلوب عنّا تسد

واقف معك في بحر غطاس = كل مانكسر موج موج يجد

[أبو زارع]

خلك معي يا قوي الساس = والموج ارخي معاه وشد
فالغطس لا تكتم الانفاس = ان كان تبغي الحياه تمد

[منار القاف]

أنا معك أقرع الأجراس = والموج ما ينحسبلي ند
بس البلى يرجع النوماس = وتقول نغطس سوى ونعد

[أبو زارع]

دندون للطيبه مقياس = ونبع ا لوفا فا الابو والجد
ربان ما تتبع الهوجاس = اخاف يكسر عليك المد

[منار القاف]

ما دام مخلص لنا حراس = منخاف مده لنا منصد
بنعوم بين الرجا والياس = لا حين عيني تراله حد

[أبو زارع]

ما هو كذا الزير يارواس = واخاف يلحق جنابك نقد
الزير ما ينظرب بالفاس = لابد تبذل معاه الجهد


ويصحابنا سامحونا الف شكر ابو منار لا تأخذني انا اتكلم بشفافيه تامه

[منار القاف]

شكراً يا أستاذ مخلص وأنا كذالك أتكلم بشفافيه تامه ومنكم نتعلم الخير فأحنا تونا تلاميذ




لا صرت ماشي فدرب الناس = وتكيل قولك بصاع ومد

ما ظن يلحق جنابك باس = ومن ينقدك سير عنه وصد

يا صحابنا سا محونا