المساعد الشخصي الرقمي

مشاهدة النسخة كاملة : الى العم خليل مع التحيه


ياسر الكبيدي
03-09-2005, 02:39 AM
الكوكب الي وراه نجوم = وفي مخالف السير أنصاره
ياهل ترى يتبع المرسوم = ولا يتعنى لمسياره

مع خالص التحيه
خليل
03-09-2005, 03:03 AM
مرحباًبك يابوصالح

في عرفنا للنجوم سلوم = تمشي على خطوط دواره
ولو اختلف بالسماء منظوم = تظهر على الكون أضراره
مع تحياتي
ياسر الكبيدي
03-09-2005, 03:35 AM
صحيح وضع النجم محسوم = محسوم خطه ومدراره
لاكنه الكوكب المضيوم = كيف يتفكك من حصاره

مع خالص التحيه
خليل
03-09-2005, 09:40 AM
حكمه معه ماعليه لزوم = يرجع لوضعه وإظهاره
ومادام بالدائره معلوم = كثير من يسبر اخباره
مع تحياتي
ابو فواز
03-09-2005, 09:55 AM
الاستاذ/ خليل والشاعر المرموق ابوصالح
انا متابع مع الشعار= مادام وضع المثل محكوم
يعطيكم العافية
إبراهيم المحياوي
03-09-2005, 01:11 PM
مادام أبو فواز دخل وسجل مشاركته
حتى أنا وراه أبا أدخل وأسجل إعجابي
ويعطيكم العافيه يادكتور خليل والأستاذ ياسر
ياسر الكبيدي
04-09-2005, 05:21 AM
الشكر لبو فواز وراعي البل على المرور .



الكوكب يخاف يأتي لوم = ويقل فالفلك مقداره
لأنه الكوكب المنجوم = نجمه دليله ومحذاره

مع خالص التحيه
خليل
04-09-2005, 02:13 PM
عين العقل والحليم يسوم = يعرف أثرها ومسعاره
ولاشاف منها الخطر محتوم = عن بعد يسبر بمنظاره
مع تحياتي