عاجل من برجس الى الحكيم [الأرشيف]

برجس

11-08-2005, 08:13 AM

الاستاذ الشاعر المتمكن حكيم
اليك هذا المشتكى وارجو ان ترد عليه بدون عجل

اوصف لنا من جبل قاسيون =لاصرت نازل على المزة
حالتك لو صادفتك عيون =وبنية حلوة مثل عزة

برجس

11-08-2005, 08:39 AM

حبيبي الشاعر المتمكن الحكيم
الله يوفقك بحلك وترحالك ويجعل لك في كل خطوة سلامة

دفاولا

11-08-2005, 09:41 AM

رايح اشارك بس مو ها الحين بعد ما أجي من مكه إنشاء الله

غريب الشرقيه

11-08-2005, 05:10 PM

عندي مداخله بس بعد رد الحكيم

برجس

12-08-2005, 05:57 PM

اخي الحكيم
طمنا عنك ويش اخبارك وصلت سوريا والا للحين
وجوالك مايرد ارجوك طمنا يالغالي000 وشكرا

أبو زارع

12-08-2005, 09:02 PM

وصلت با ليل لاتنسون = ويا شينها ذيك من حزه
ونتم عن عيونا تدرون= اشوف الاشاء مهتزه

كما تعلم استاذ برجس اخوك شوفه على قده با الليل لاكن بكره بيجيك علم عزه

غريب الشرقيه

13-08-2005, 01:33 AM

مداخله عاجله قبل الفاس متاقع بالراس ياحكيم

حكيم برجس تري مفتون=يبغاك تعمل على رمزه
نصب الشرك للضباء مجنون=والقلب قاسي ولاتهزه

برجس

13-08-2005, 01:45 AM

الاخ الشاعر القدير00 الحكيم
الحمدلله على سلامتك وعقبال ماتعود الى الوطن وارامكو
ويسلم عليك ابوسعود كثير السلام وانا في انتظار الرد و وصف الحالة
بالتمام ( وبنية حلوة مثل عزة )

الاخ العزيز 0 غريب الشرق
اشكرك حبيبي للدخول بيننا وكم نحن سعداء بتواجدك
تحيااااتي

غريب الشرقيه

14-08-2005, 03:37 AM

ياخي انا صاحبي الحكيم اذا كتب لي سوف اتوقف الرجل له مواقف طيبه معي الله يرده بالسلامه لنا ويكفيه كل شر

حكيم هو صاحبي وامون=واهديله النصح في كنزه
لاتفتنك صورة المزيون=اللي طبعها و منهزه

حنان ينبع

14-08-2005, 09:30 AM

الحمد لله على العافية

والله يهدي عباده

حر اليدين

14-08-2005, 10:05 AM

الحمد لله على العافية

والله يهدي عباده

صدقتي والله إختي الكريمة .

برجس

14-08-2005, 04:05 PM

الاخوة الاحباء
غريب الشرق
حنان ينبع
حر اليدين
شكرا لكم على المداخلة ومتقبلها بصدر رحب

تحياااااتي
اخوكم 0 برجس النرجس

أبو زارع

14-08-2005, 07:02 PM

الاستاذ برجس تاخرت فى رد عزه اسف اسمع وش اقول الحين
وقفت فى ظله الزيتون = قالو لنا موقف البرزه
وللي طعن مهجه المفتون = قالت طريقي على غزه

ذكرتني با النرجس يا برجس و بوصفلك حاله امامي

شا يف انا زهره النرجس = الان جنبي تداعب نت
عيون وجفونها تهمس = والقلب تايه فذيك البنت

برجس

15-08-2005, 01:08 AM

الاخ الشاعر المتمكن / الحكيم
عموما وبصراحة اخي انت راوغت بالرد على كسرة
جبل قاسيون وعزة وممكن يكون من تأثير السفر
والتعب والارهاق ولا اعتقد انه انخفاض في مستواك

000000000000000000000000000000000000000
واليك الرد على كسرة الترجس ارجو ان تنال اعجابك

النفس شيطانها مــــــندس= والله يجازيك لانك خنت
جنب الامل عيش واستأنس= مالك ومال الــــذي بينت

تحياااااتي
برجس النرجس

أبو زارع

15-08-2005, 05:12 PM

ما ودنا يدها نلمس = ولا ودنا صوبها نلفت
من شوفها رقه الانفس = واقول يا ليتها مجت

برجس

16-08-2005, 02:04 AM

الاخ الحكيم
اهلا بك وكم انا سعيد بمساجلتك وخذ الرد

انصحك بالهمس لاتهـــمس 000 لاجلك تهددت لما اعلنت
ياخوف لاتصير زي بحلس 000 افلس وقلي انا تجنـــنت

تحياااااتي
اخوك برجس النرجس

أبو زارع

16-08-2005, 11:01 AM

ما قدرت يا ستاذ اتنفس = اخاف يقلب علينا زفت
يذبحك خلي وهو يعطس = ودي اتشمت لكني خفت

برجس

16-08-2005, 03:55 PM

مرحب بالحكيم الحبيب وياهلا

باين وبالحيل متحمــس 000 معديك صاحبك وتلونت
لاصرت تشكيه متحسس 000 المالبــورو بدال الكـنت

تحيااااااتي
اخوك / برجس النرجس

برجس

18-08-2005, 05:09 PM

ياهوووووووووووه
يالحكيم
وينك
حرام
عليك
خاف الله يارجل
بعدين فضي الرسايل من صندوق بريدك لانه مايستقبل
رسايل جديدة
وابغاك تطمني عليك انتا وصلت والا 00 للحين
والا مجمد لاجل ماجبتلي الاغراض اللي وصيتك فيها

تحياااااااااتي
اخوك / برجس النرجس

أبو زارع

18-08-2005, 05:39 PM

هلا با الاستاذ الغالي برجس انا للحين ما وصلت فى الاردن المهم شوفلناابو ياسر علشان الاجازه ابغالي ثلاثه ايام وانت تمون عليه با النسبه للاغراض جبتها لا تخاف بس شوف موضوع الاجازه والله شغله الرسايل والتلوين اخوك عليمي المهم حاولت وشكلي مسحتها

برجس

18-08-2005, 06:14 PM

الاخ الحبيب / الحكيم
لازم تكون متابع للمواضيع اللي تطرحها وضروري
تشوف حل للرسائل مو معقول تفضحنا قدام الزوار
والمشرفين وبالذات ابوسفيان وابو رامي وصاحبك
ابوياسر اللي تبغى تضيع عليه الجمس الله يسامحك
وخذ الرد حق ابوياسر:

فالحال كلمت ابوياســــر000 وقلي من عيوني الثنتين
من شانك انتا رجل شاطر000 نعطيك من عندنا يوميـن

تحياااااااااتي
اخوك/ برجس النرجس

أبو زارع

18-08-2005, 06:32 PM

المشكله حضنا عاثر = كل ما نعدل يقولو شين
وش الذي يجبر الخاطر = للي على المشكله ناوين

برجس

18-08-2005, 07:07 PM

حبيبي الحكيم
انبسط ياعم 3 ايام من ابوياسر ويومين تغطية من عندي
صار مااحد قدك بس ابغاك تدعي لي ياعسل وخذ الرد

الله على حظــــكم قادر 00 ويجنبك من هموم الدين
ولاتهجم ارجوك وتخاطر00 حتى تعرف الحقيقة وين

تحيااااااااااااتي
اخوك / برجس النرجس