خاطره/ياضروفنا اضحكي مره

[زرياب]

ياضروفنا اضحكي مره=وجنبينا سؤال الناس
لي نفس صامت وهي حره=وخوفي برجل الردي تنداس

[دفاولا]

حلاوة الوقت مع مره= يصبر عليها قوي الباس
وإن شفت لك حال مفتره=ما يسير كل العرب مقياس

[أبو زارع]

ارجو قبولها وانت ما تزال صقر حتى لو كنت فى اسوء الظروف اخوك الحكيم
مأجور يا ذايق الصبره=لا يصيبك الهم والهوجاس
الحر يصبر على المره = ويضل تحت الشبك قرناس

[يحيى معوض السناني]

استاذي / ابوسعود
إليك مع التحيه
عزالله اني عليك اشره=إشلون يخشى الردي قرناس
مثلك لاجاه الردي جره=وخلاه تحت القدم محتاس

[زرياب]

الاخوه الاعزاء
دافولا /الحكيم
اشكر لكم تواصلكم
وردودكم الحلوه
واشكر ابومعوض
واليه
من قال حقي معه عذره=وماهو مكلف فقول افلاس
واهل الوفاء قلوبهم تكره=ان العرب تجرح الاحساس

[يحيى معوض السناني]

استاذي /ابو سعود
إليك مع التحيه
لجل الوفا وطّيب العشره=مارضى لك الذل والهوجاس
ضد الزمن خيره وشره=ناقف معك ياجويد الساس

[زرياب]

اخي الحبيب ابومعوض وصلت
انت الذي نشتري بره=واحساسكم فالحشى مغراس
عساك في حال مستره=محسوب بين العرب نبراس

[يحيى معوض السناني]

ابو سعود
إليك مع التحيه
هذا العشم فيك والنظره=ياللي بكم رافعين الراس
الوقت مع ظلمه وغدره=من دونه إحنا لكم حراس