مروا جرش لا تـزلـونـه

[دفاولا]

الدرب واحد علي عجلون=مرو جرش لا تزلونه
سلام مني لهم مليون=الضيف با الحيل يقرونه

[أبو زارع]

مادمت فا لمملكه مفتون = الكرك ما ضن تنسونه
والبحر ميت كما تدرون = والحي يذبحك بعيونه



استاذ دفا ولا والله مادرى شلون طلعت ها الكسره لكن ايقاعها حلو هههههههههه

[زرياب]

الاخ دافولا ارجوقبولها
عدي لدرعه وبعدها يكون=جو المصافا مع لحونه
الشام فيها صفى وشجون=والليل معلوم يحيونه

[أبو زارع]

الشاعرين الكبيرين بما انى قريب فى الاردن لا تكبونى

زرياب وينك عسا ما شر مختفى لك فتره

ولبنان زرقه لها تكفون = الزين فيها ويطرونه
وذا نويته لها بتجون = خيك فا الاردن تمرونه

[زرياب]

اسمحو لي بها
مالك بعمان وش تبغون=روح وشوف الصفى لونه
منك الاشاره وهم يقضون=ويطيب انسك مع شجونه

[أبو زارع]

الاستاذ دفاولا اسف يمكن خرجنا عن الموضوع لاكن الشاعر زرياب من الناس خفيفين الظل وما صدقت لقيته واحب اخذ واعطى معاه انسان فى منتهى الاحترام ولا تهون يا ستاذ دفاولا



اخوك فى شقته مسجون = وحراس عنده يراعونه
وعندى امل تنتهى وتهون = وادعي عساهم يفكونه

[زرياب]

الاحبه الكرام مداعبه بريه
انت الرضي الذي يحكون=عنه الاحبه ومايجونه
محروس اشوفك وكذا ممكون= ومقفي عن الانس وشؤونه

[أبو سفيان]

أنا شخصيا تستهويني هذه النوعية من الكسرات
بــدأها / الوافد واستلمها // الحكيم وزرياب ؛؛ فكانت رائعة
وعفوية وجميلة شكرا لكم .. وهذه خلاصتها :


الوافد
الدرب واحد علي عجلون =مـــرو جـــرش لا تـزلـونـه
سلام منـي لهـم مليـون=الضيف بـا الحيـل يقرونـه

الحكيم
مادمت فا لمملكه مفتون = الكرك ما ضن تنسونه
والبحر ميت كما تدرون = والحي يذبحك بعيونه

زرياب
عدي لدرعه وبعدها يكون=جو المصافا مع لحونه
الشام فيها صفى وشجون=والليل معلوم يحيونه

الحكيم
ولبنان زَرقه لها تكفون = الزين فيها ويطرونه
واذا نويته لها بتجون = خيك فا الاردن تمرونه

زرياب

مالك بعمان وش تبغون=روح وشوف الصفى لونه
منك الاشاره وهم يقضون=ويطيب انسك مع شجونه

الحكيم
اخوك فى شقته مسجون = وحراس عنده يراعونه
وعندى امل تنتهى وتهون = وادعي عساهم يفكونه

زرياب
انت الرضي الذي يحكون=عنه الاحبه ومايجونه
محروس اشوفك كذا ممكون= ومقفي عن الانس وشؤونه

[دفاولا]

ابو سفيان كم اسعدني مروركم الكريم وهذا ما عهدناكم به

الأخوه الحكيم وزرياب الظاهر انا حركنا العروق الساكنه خايف اقول شي وننكشف

تحياتي للجميع

[زرياب]

استاذي الفاضل ابوسفيان
مرورك شرف لنا واذا دل
ذلك فانما يدل على متابعتك
للمجالس
واليك تحيه على قدي فقط


مشكور والله يابوسفيان=فحضورك لصفحة الهاوين
ومثلك معلم علا فالشان=وفصدر المجالس مكانك زين

[دفاولا]

لا واسعيدك هل الزيتون=تشوفهم يوم يجنونه
وانا وقلبي نجر لحون=بعيد عن دار دلعونه

[أبو زارع]

وقت الجنى قبل سته جون = ودورت للى يبعونه
قالو لنا الزين فى عجلون= وشريت بللى يقولونه
المهم الحين اشتريت لاابو سفيان وزرياب ولك يا دافولا عاد لازم نعرف العناوين علشان نقدر نوصلها لكم لا تورطونى وش اسوى فيه. الزين اقصد الزيتون فى ناس فهموها غلط وزعلو علينا

[أبو زارع]

الدرب واحد علي عجلون=مرو جرش لا تزلونه
سلام مني لهم مليون=الضيف با الحيل يقرونه

الاستاذ دفاولا اسف استخدمت عجلون فا لكسره والله سالت وين يبيعون الزيتون الطيب قالو فى عجلون ولا جنبى فى الجبيهه لكن الطيب ماله الا شى طيب