مواقف وخطرات في كسرات

[رضا الأهدل]

شبيه العين.
نورت يانـون يرشدنـي=من دونه آنا قدي بالشوف
مغرم بحرفـه ويطربنـي=يا منيتي يابراد الجـوف


مناورة.
ناور بتكتيك يـا سبَّـاح=الدر موجـود فالأعمـاق
عقب الغَلَسْ تنبلج أصباح=عيد التراتيـب لـلأوراق


أمنية.
ياليت قلبي يرى ويشوف=عما حوى قلب مظنونـه
هل طابق السر للمكشوف=والايخادع بهـا عيونـه

[رضا الأهدل]

مقاولة
همٍ تقاول وأنجـز هـم=وأسس مبادى لها دستور
نادى تعلَّم معـي ياعـم=أعطيك دورة مع التقدير


شُهْد
لله درك كرمـك نخـوب=اكرمتني بنخبك الأكمـل
ترحيب من شُهْد لك مسكوب=مثْنِي ومن طيبكم ننهـل

دساتير
هاك البدية لكـم معطيـن=باب المحجَّة حجر للسّاس
تلقى دساتيـر للنَّاجيـن=ماقلب يسلم من الهوجاس

[رضا الأهدل]

إبدأ
قلبي معك والشهود عضاه
وبالطيب إنتم لنا منهـل
إبدأ وإحنا معـك فسـراه
الصَّعب من أجلكم يسهـل


حسرة
آهات من حالـة الحسـرة
أبكي خفى وأمسحه لاجيت
من شان تصفي لنا النظرة
شوفي ذهب وانت ما حنيت

أسى
زاد الأسى يوم ودَّعنـاه
وأرسى وأنزل حمول ثقال
ما نزيحها غير بملاقـاه
واكربتي كان هجره طال

[رضا الأهدل]

الوسم.
هبات ريح الوسوم تطيب
وعبق الثرى فاح وانعشنا
أحيت علينا شجون تذيب
صُم الصَّخَر كيف حالتنـا


إبحار.
بحر الهوى سرت فمحيطه
وابحرت فيها جميع جهات
لقيتهـا ربـع تفريـطـة
تبقيك عمرك مع الآهـات


إنبهار.
نورٍ بهر من سناه العين
عدى وباقي سناه ينـور
من مرته لين هذا الحين
ونوني على حالته مبهور

[أبو عاتق]

.:

تسجيل حضور .. وتدوين كلمات اعجاب .. ووقوف احترام امام هذه الروائع

سلمت يمينك يا بو سامر

.:

[رضا الأهدل]

الله يحييك ياابو عاتق,وسلم غاليك. وما عليكم زود ياالغالي، منوره الصفحات.

[رضا الأهدل]

خبث

دايم على القمع والتنكيل=أهل الحقد والحسوديـة
نور البدر تحرمون الليل=ياقلوب بالخبث ممليَّـة


زنزانة


بعد الأسر في زنازينـك=لكل الجوارح بدون حراك
تعرض مشاعرك يازينك=وتقول إحذر من الأشواك


سؤال


سؤال:- يااللي علينـا جـار=لاشفتنـا ليـش ذاك الـعـاج؟
جاوَب على الفور:- إحنا أحرار!!=ومن لا أعجبه يركب الأمـواج!!

[رضا الأهدل]

مباراة



روحي مع الريم في مبـاراة
بهجوم كاسح صمد لي دفاع
وفي نهاية الوقت يامأسـاة
يخطف هدف بعد جهدي ضاع




عناد



ياما وياما ويامـا قلـت
عيَّيت تسمع وزدت عناد
من بعد للي تبي وصَّلت
ماعاد ينفع عذر ماعـاد



دموع



هلت دموع الفرح مدرار= والعين عجزت مداراها
طار الفكر واللسان إحتار= بالرد لاقوال يقراها

[رضا الأهدل]

عقده
هل الهلال وهل بعـده هلاليـن
مرت ثلاثه والْمِحَرْوِيْ على نـار
وفي كل مره نسمع الرد.بعديـن
عُقْدَة غدت والعقل من كثرها طار
حرمان
نرمي بكـل الـذي نملـك
ونجود بالقلـب والأعيـان
ندْرَي على الروح ماتهلـك
من غيره الروح في حرْمان
غبن
نبرة حزن لامست أذني
ترجمتها بعـد مـاودَّع
زوَّد فوسط الحشا غَبْنِي
قفله لخطي ماعاد أرْجَع

[رضا الأهدل]

حصار
هـذا سبـب علِّتِـي والآه
كل ما تناسيت عاد الطيف
محاصر القلب في مأسـاة
يطعن برمحه وشاهر سيف
تفويض
هانت وظنيتهـا هانـت
والأمر بخلاف ما ظنيت
ساعة قدر يومها حانت
فوضت أمري لرب البيت
أُنس
أهـلا وسهـلا انستونـا
بقدومكم أشرقـت أنـوار
في وسط الأعيان مصيونا
والقلب مسكنك قبل الدار
تقنين
ننصح بتقنين ياالغالـي
أحبس نَفَس للمدى الأبعد
مهما تلاطم بالأهوالـي
الحل يأتيك بعـد الشَّـد

[دفاولا]

هل الهلال وهل بعـده هلاليـن
مرت ثلاثه والْمِحَرْوِيْ على نـار
وفي كل مره نسمع الرد.بعديـن
عُقْدَة غدت والعقل من كثرها طار

اول يقولون المحتري عجول بس اشوف إن المده مطوله

مرور اعجاب لما اتحفتنا به اخي رضي

[أبو سفيان]

أخونا العزيز الأستاذ/ رضا الأهــدل
ما شاء الله عليك وعلى هذه التحويشة الجميلة التي أمتعتنا بها
وبجمال معانيها وحسن صياغتها ..وأجزم أن الكثير من هذه
الرباعيات قد حلقـْت بها في سماء الشعر وبحوره
فكانت حلقة من التداعيات اللطيفة في عالم الكسرة
شكرا لك وننتظر فتح خزائن أخرى كي ينزاح عنها غبار السنين
ويسعد بها كل المحبين ..

[رضا الأهدل]

أخي دفاولا ، (المحتري عجول، كما قالوا ولكن القلب المتعلق ماينقطع امله وصبره يطول)كل الشكر على هذا المرور العاطر.

العزيز ابو سفيان، لن نبخل على منتدانا الغالي بشيء بإذن الله.وكل الشكر على هذا المرور العاطر.

[رضا الأهدل]

القطيعة
هديت يوم انت تشعلهـا
ودي حبال الوصال تدوم
لجل القطيعة ما نقبلهـا
ولا نحتمل من سببها لوم
الدر
نَدْرَى على الدر فالأصداف
ندراه في وسط الأعياني
نمشي مع القن والأعراف
يأمربها خيـر الأديانـي
أوبة
آبت عيوني بعد إبحار = في ساعيه والدقل عالي
ربي حفظها من الإعصار = سِلْمَتْ ويارب ترعالي
ما ننساك
يااللي على البال ما أنساك=ماانسى لياليك وايامك
الهم خيَّم بعد فرقاك= يوم إن نسيناه بليامك

[رضا الأهدل]

صدق
نال المنى كل صادق ود=والصدق منجاه لاصحابه
راعيه ما يلتفت ويلد= نونه غدا ملك لاحبابه
إقناع
نوني معاند لرمش العين=يحلف بالايمان ما يغطيه
من ياجد الحل للإثنين=ويقنع به النون ويهاديه
تنغيص
اقول يانفس جوزي بس=الود مايفيد بالغصبي
والقلب بعناد متمترس=نغص حياتي وكدربي
حيرة
ياالله عسى خير ياعيوني=دمعك بلا ذنب هليتيه
واللي على البال مشقيني=ما سال من يوم ودعتيه

[رضا الأهدل]

ملاحم
تاريخنا فالزمن مسطور=تقرا الملاحم وتلقى العِزْ
بخط المهنَّد ودم نحور=رايتنا حيث نبغى ترَزْ

حسن الذوق
لولا المعاني وحسن الذوق=فالتَّرْف لكان جافيته
طِلْعَتْ سهامه فقلبي فوق=من بعدها القلب أهديته
ياليت
ياليت قلبي يطاوعني=ويجوز عن مِعْتِنِي ذِلِّه
لا مر طيفه يعاندني=ويطير خلفه كما ظله
هدنة
هدنه مع الزين باعلنها=وحكم الطواري عنه الغيت
المعركة صرت ضامنها=حررت محضر بها وامضيت

[رضا الأهدل]

عود القنا
ليته يرى حالتي يشهد=عود القنا كيف عوده عاد
قتيله اليوم لو يجــــحد=ما يوم قلبـــــه علينا جاد
هقوات
هقوات كل السبب منها=وملازمة بالمسا والصبح
مع غيبة الشمس ضامنها=وفطلوعها نفتقد للربح

سكَّر
سكَّر معاني عطر ورْسِه=محلى خضاره وذاك الورش
واللي تعهد سقى غرسه=بيلبسه تاج فوق العرش
هاتف
هاتف من القلب لازمني=لاتطيع من ينكر المعروف
ياكم من المر جرَّعْنِي=بين الملا والعباد تشوف

[رضا الأهدل]

هموم
همٍِّ تناحـى وهـمٍ هـل=وما بينهم هامت الروحي
مشتاق قلب الشقي ما مل=من طرف همَّال وينوحي
أهوال
هولتني والهوى أهـوال=واهتال من حالتي أهلـي
غيبتك لحظة .سنين طوال=عاجبك مثل القلم شكلي
إنقاذ
داهم خطر والدواء مفقود=من ينقذ الصـب ويـرده
يومه خضر والليالي سود=من بينها يلتهـب وده
حيران
مهما عشقت البحر مهما=والشوق قايد لمرساتـه
حيران في شمسه الظلما=والنور في ليـل آهاتـه

[الشاهين]

الاخ العزيز رضا الاهدل
مااجمل هذا واروعه احترت بين كل هذه الورود اي وردة اختار لتكون بداية لهذه الكلمات التي اعبر بها عن اعجابي واحترامي لهذه الرباعيات كما اسلف استاذي ابا سفيان .
كلمات تخرج من مهندس للكلمه اتقن الفن واحسن نظمه ,قد اكون مقل في الدخول بمنتدى الكسرة ولكن اقف احتراما عند مطالعتي لما تجود به سلمت اخي .
نال المنى كل صادق ود
والصدق منجاه لاصحابه
راعيه ما يلتفـت ويلـد
نونه غدا ملك لاحبابـه

[رضا الأهدل]

هلا ومرحبا بالأخ العزيز الشاهين، الروعة والجمال ياالغالي في مرور عزيز مثلك ينور صفحاتي وما عليكم زود. تقبل تحياتي وسلامي.

[رضا الأهدل]

البعد
ما يرهق النفس غير البعد=ساس الألم يكسر الخاطـر
ياكم تكابد و فوق السُّهـد=حرمانها بهجـة الناظـر
هاوي
هاوي بحر شوق لأمواجه=ياليل يا مخفي الأسـرار
يوم القمر عالي أبراجـه=فهمت إن البحـر غـدار

محترف
هاوي لعب محترف مجبور=حسب القوانين ما يخالف
فالشوط الأول طلع مكسور=وقالوا ترى عقدكم تالف

[عبد الله ذياب العوفي]

أديبنا
رضا الاهدل
ماهذا الابداع؟؟؟
روعه..من رائع كما عهدناك



هولتني والهوى أهـوال=واهتال من حالتي أهلـي
غيبتك لحظة .سنين طوال=عاجبك مثل القلم شكلـي

تقبل تحياتي

[رضا الأهدل]

ياهلا والله بحبيبنا عبدالله مرور عاطر , وما عليكم زود ياالغالي.

[رضا الأهدل]

إعتبار
هانت وكبرت وقلت تهـون=وليا إنها كـل يـوم تـزود
من صان نفسه ترى مصيون=ومن لاإعتبر حالها مهـدود
خطر
فز( الغَفُر)مِهْتِنِى بالنـوم=والعز وارف عليه ظـلال
من (قلعته) يعترض للقوم=في غابة الليل والأهـوال
ملل
مليـت نفسـي وملتنـي=صارت حياتي معاها ألغاز
ياما على الضيق لزتنـي=ماني لنزغاتهـا معتـاز

[رضا الأهدل]

أقساط
هلت دموعي بهمسـة آه=واثنيتها أقساط بعد الكاش
من شان لحظة على لقياه=تِكْفِي عن الطب والإنعاش
المكنون
يااللي ملكت الفؤاد بنـون=والنفس بسهام تصلاهـا
حلفت ما افْرِِحْك بالمكنون=ما دمت الاشواق تدراهـا
هيجان
تاه القلم هاج به حِبْرِي=والموج في جَدْرِتِهْ لطَّام
آعِلْ صبري على صبري=والقلب سابح مع الأسقام

[رضا الأهدل]

شبة نار
هلَّت دموعـي وآسانـي=شوق الأحبة وبُعْد الـدار
ياعاذلي كُـفْ مَمْدَانِـي=أسْمَعْ وانا وسط شبَّةْ نار
جمرة
ودِّي إفاده من الحطَّاب=من هو عرف سر للصمرة
جرحن لجا بالحشا ما طاب=يلظى كما كيِّـة الجمـرة
وصيَّة
هات القلم واحضر القرطاس=واكْتُب وصاتي لمحبوبـي
والله مسامَح يااعز النـاس=ويا رب تغفر لـي ذنوبـي

[خليل]

حرفك علا وأعتلا شانه = بحلو المعاني علينا تهل
القيل نعطيك نيشانه = ونطوقه في زهور وفل
مع تحياتي

[رضا الأهدل]

يافارس القول شيهانه= من بحركم نغترف ونعل
بوسامك النفس طربانة= لاستاذها تستمع ماتمل
والمعذرة يااستاذنا خليل حروفنا ماتوفيك حقك علينا, اسأل الله العلي العظيم إن يقدرنا على رد معروفك.

[رضا الأهدل]

خيَّال
هبَّت نسايم صباح سهيل=والدوح مايل بالأفنانـي
زاده أناسة رهيم الخيـل=وخيَّال مطلِق لها رساني
تعلق
آليف إلفٍ بقلبـي لـف=لفِّه وشفِّـه يواسينـي
محسبك ياذا الفؤاد تخف=تبقى معلَّق به سنينـي

غَرَق
يا ليل يا عين يادانة=آهات من أُوف يا ليلاه
النون غرقان من شانه= في دمع طافي بعد فرقاه

[رضا الأهدل]

قرب
قربه بروحه عوض فرقاه=لو كان فاقصى بلاد الواق
فقدان وده هو المأسـاة=لاوجد ينفع ولا أشـواق

هنا
نَهْنَـا وتَهْنَـا ويسعدنـا=يوم الفرح والجميع يشوف
وانته على الطيبـة معنـا=بعد العنا سعينا مخلـوف

عهد
روحي على العهد للميلاف=ما يوم ينـزل سهـم وده
عشنا على وفاق والا خلاف=عن طيبها يزيـد فالشـدَّة

[رضا الأهدل]

لاتوقف
كل ما انتهينا وقلنا كان=قال الغضي تـو بادينـا
الأمر خارج عن الإمكان=والود ماهـو بأيادينـا
تناقض
دايم حياتي معه فنـزاع=ما يفهم الـود وأصولـه
لو قال مرحى لنا ما طاع=ينقض بالافعال ما يقولـه

مصافق
الود دايم كذا معَنِّي= مصافق وما بينها صفوات
ساعات في بسط متهني= وأيام عايش مع العبرات

[رضا الأهدل]

إحذر
خط الأسى مثل حد الموس=في ظلمة الليل ملتمْسَة
تمشى عليك المهل وتسوس= تحذرمن الحد تحترْسِه



تعدي
بعض المخاليق متعدي=تعطيه مقدار ما يصونك
الناس يكشف لها السدي=ويطيع من حالهم دونك



نقيب
ماانساك ما اهجرك ما اصبرعنك=ثلاث نجمات من ودِّك
نقيب اصبحت منحة منك=علَّقتها كلها بيدَّك

[رضا الأهدل]

دستور
محـلاك يالديـن فالتقـويـم=النفـس بالديـن منشرحـة
دستورمبني على التفهيم=يجلب لمـن يفهمـه فرحـة

ديمة
يا قلب شاهد دموع العين=مــاكــف هـتَّـانـهـا ديــمــة
لا فــاد تـقـريـب للنـاحـيـن=ومــازاد فقلوبـهـم قـيـمـة

ليلة
ليلة بها ليل ماكانـت=البدر في مبتداها كـان
هل السعد حزِّته حانت=ياوجد يومه علينا حان

[رضا الأهدل]

تهاني ومعايدات

يهناك شهر الصيام اليوم=وأعوام وسنين ممدودة
وتعيش شهرك هنا بالصوم=والليل ركعات مشهودة

الله أكبر

الله أكبر شعار العيد=الله أكــبــر ثـوابـتـنـا
اعيـد وازيـد بالتأكيـد=بالله أكـبـر روابطـنـا

العـيـد

الـعـيــد عــــود وعـيَّـدنــا=وبوجودكم عادت أعيادي
عـيـدٍ مـبـارك ويسـعـدنـا=عيـديِّـةٍ فــل مــع كــادي


السعد
ربي يجيب السعد فالعيد=ونحـوز فضلـه ورضـوانـه
حنا فحكمه علـى مايريـد=والخـيـر بيـديـه سبحـانـه
معايده
سلام ياارباب مجلسنـا=ونعايد الكل في كسرة
بالقاف نمضي مآنسنا=والــود بيناتـنـا جِـسْـره
معايده
ســلام للقـيـل واصحـابـه=عـيـدنٍ مـبــارك نهنـيـكـم
الله يـكـتـب لـكــم ثــابــه=ومن واسع الخير يعطيكم

[الشاهين]

رائع هنا.. ومبدع هناك ..وقلتها هناك... واقولها هنا.. لكي تكسب الرضا عليك ان تطالع مايكتب رضا .اتذكر... اكيد تذكر جيدا ............والسر لايعلمه احد........ ومثلك امين .......واهلا للامانه .
لك مني سلاما واحتراما يايها الاخ العزيز.

[رضا الأهدل]

نعم أذكر،بارك الله فيك ،ماعليكم زود. لك مني صافي الود وأعذبه.
دمت لأخيك.
وتقبل اشواقي وسلامي.