عــــــــجــــــوز الـــــسّــــوّ "الـحـبـيـبــة"!!!

[الشاعر]

"دنيا البين"
ماهي على دنياك هذي غريبه=دنياك هذي طبعها شين يا زين
عادي بها فرقى المحب وحبيبه=وغريب فيها لمّ شمل المحبين
كم واحداً فيها تهقوى بطِيبه=ما قال تَجزى طيبه الزين بالشين
أسمع على طول الليالي نِحيبه=أقفت عنُِه دنياه والناس مقْفين
يبغى السعَد فيها وجاته مصيبه=ويبغى الوصال وحال من دونه البين
جرّت عليه دروب الآمال خيبه=ولقْحت سما افراحه وجابت معزّين
ما حيّ منْها راح يَحْمد نصيبه=الكل من دنياه ذاق الامرّين
دنياك يا مغرور فيها عجيبه=يفرح بها الجاهل وِهِي مالها دِين
دنيا غَرور وما تجيب تْغَديبه=ياما غدوا في غدرها من مساكين
تِقبِل وهي تَضحك بوجه الحبيبه=تغازل اللي في هواها مجانين
وتِدبِر عجوز السّوّ شمطا غضيبه=تكشّفت عن مثل روس الشياطين
ضربت فيها بالسيوف العطيبه=عنيد عيّا راسها القاسيِ يْلين
فرسانها سود الليال العصيبه=صكّاتها هزّت عروش السلاطين
وايّامها خيل الطّراد النّجيبه=لا كرّت وفرّت بعجّ الميادين
غاراتها تِدْني الفتى من مشيبه=وهُوْ ما درى فارق شبابه منِ سْنين
واللي مضت فيه السَّنه ما تجيبه=لا جَرّة الونّه ولا دمعة العين
يا قلب ياللي علّته من طبيبه=لا تامَن اللي فرّقَت بين الاثنين
ما هي على دنياك هذي غريبه=دنياك هذي طبعها شين يا زين




كفاكم الله شرّها.. وأنجانا وإياكم منها