ماحسبك قاسي عليك أهون/ للأخ رجنسي

[ابو فواز]

ماحسبك قاسي عليك أهون=وانا على العهد مابقته
ليلي سهر والنهار غبون= يرضيك هذا لذي ذقته
مع خالص التقدير

[ريجنسي]

بالهون ياسيدي بالهون = لجل ايش هذا المثل سقته
انا بهذا الأمر ممنون = ويبقى يحدد لنا وقته

[ابو فواز]

الله يصبحك بالخير

لوكان تدري عن المكنون=ماتلومني فالمثل صغته
من ودك اللي معي مصيون=ولجل الوفاء عندكم شفته

[ريجنسي]

خابرك للطيبة تبنون = ودك على الناس فرقته
ياصاحبي فالحقيقة تمون= وفراقكم شي ماطقته

[ابو فواز]

أخي العزيز / رجنسي
تشكر على تفضلكم بالرد وقد اطمأنيت عليكم لأنني من مدة لم ارى لك مشاركات والمعذرة لو قلت كذا ولا كذا
في بداية الكسرة انا يعجبني حرفك الرايق يساعدني على الموال وحروف لدندنه تبسط
لك خالص الشكر والتقدير ولاتنسانا عرج على المنتدى في وقت فراغك دمت بخير


تشكر على حرفك المتقون=وغزر المثل منك جربته
مثلك مكانه في جوف النون=والودفالقلب وثقته