خاطره/بعض السرور الذي مفقود

[زرياب]

أداعب الحس وأستدعي=بعض السرور الذي مفقود
وأمل النفس واسترجي=خليل عمري عساه يعود

[خليل]

احساس في طبعك وطبعي = وفقلوب اهل الهوى موجود
نبغى الامل في اثر رجعي = للحاضر اللي يجيب الّهود

[زرياب]

استاذي خليل لاتبخل
ارتجت الارض من وضعي= والجسم مني غشته نكود
وانا الذي لي امل وارعي=لا ياخليل الوفي مقرود

[خليل]

وسط لهم ناس من ربعي = وارسل لهم لابغيت وفود
يمكن يجونك بأمر نفعي = وتسير بعد اللهد بسعود
مع تحياتي

[زرياب]

استاذي خليل تحيه وتقديرلكم
امر الهوى والصفى فرعي=وفرمش السواهي انا المهدود
مرسل اثيري مع الدمعي=ومجنى فؤاد الشقي سهود

[خليل]

كافح وفي حالتك طوعي = ولعل ما بالدروب سنود
واصبر ومعه الصبر ادعي = عساه ربي عليك يجود
مع التحية والتقدير لأخي زرياب 00وياصحابنا سامحونا

[أبو زارع]

وش ها الحلاوه يا زرياب انت وخليل شى جميل يعطيكم الافيه