ياالله أنا طالبك يامعطي الرزق والجنة ( قصيدة للشاعر محمد المرواني )

[محمد المرواني]

يا الله أنا طالبك يا معطي الرزق والجنة=يا منزل آياتك بالأحكام واثباتي
تفرج لمنهو صعبات لليالي وطنه=والعمر راح والأيام بالوقت عجلاتي
يبكي على ما مضى وقته وقلبه يحنه=إلى تذكر اللى مضى وذيك الأوقاتي
يبكي ويجر بتالي الليل ونه=ونت جريحٍ جروحه عظيماتي
عليك يلي حمست الحال حمسة البنه=حمر شفايا وتحتهن بيض عذباتي
والجدايل فوق متنه عوده ميلنه=والخدود حمرٍ ناعمات ومترفاتي
والخصر تعالى من سواه له الشكر والمنه=والرمش الظليل والعيون سواحير نجلاتي
إليا التفت بي والأعيان بالنظر شاهدنه=شفت في هدب العيون سهومٍ مرسلاتي
كن فيهن من سحر هاروت كنه=كنهن بتقنيات السلاح مبرمجاتي
كن فيهن حرب وصواريخٍ يرسلنه=وطيارات ميراج لأهدافهن مغيراتي
ذكرني حرب بوش يومٍ على الأفغان شنه=تسعين يومٍ سوى بها المعجزاتي
بعد أحداث سبتمبر عليهم زاد جنه=قام يعلن بحربه ويرسل القاذفاتي
وطياراته اللي على جبال تورا يقصفنه=يقصفن أجبالها مقبلات ومقفياتي
كن في عيون خلى كردسانه سلاحه وفنه=غالينٍ ما فارقني خياله بكل الأوقاتي
قالوا تمهل وأصرف الفكر عنه=تلقى من الغنادير مثله كثيراتي
قلت العفو لا لا ما يشبهنه=عندي والله ماله معهن شبيهاتي
كيف ابنساه كيف أسلى النفس عنه=كيف ابنسى محبوبي معسول الشفاتي
وحروف خلي كل حيىٍ في حياته يمرنه=يمرن عليه جمع ومفرداتي
وأسهر الليل وانشد نجوم السماء عنه=وأقول أنا مجنون ليلي حي ما ماتي
قالوا جميل قلت كل من حوله يغارنٍ منه=فيه من الحور وصف وعلامتي
قالوا تحبه قلت كنه نظر العين كنه=وليفي حط له في وسط القلب بصماتي
وأحب طريق قدم رجلين خلى وطنه=وأمر شارعه باليوم عشر مراتي
وأخشى عليه من ملابسه يجرحنه=طري عوده وأطراف خلي رقيقاتي
ما شفته لكن عيون القلب شافنه=حشا والله على طريق المنقود ما يأتي
ليت الليالي في ما مضى لي يخبرنه=يشاهد بعينه آثار جروحه جديداتي
والأعيان الدمع من الفراق إذرفنه=مثل الهماليل من ثقيل الممطراتي
لا واهني من أصبح ملكه ويديه ملكنه=عز الله انه من الحظوظ الرفيعاتي
قالوا هبيل وفيك من هسة العقل كنه=ولا تستمع للنصح والمناداتي
قلت اتركوني ترى مالكم منه=ماني سامع هرج عاذل وشماتي
هجرتوا كثير والهرج مليت منه=والله ما مشيت بنقص وهفواتي
ولامشيت به ولا حكت لي النفس عنه=ولا راحت بي الرجل يمه ولا جاتي
والحب أنشدوا قلوب المواليف عنه=كم جرح من القلوب العظيماتي
والحب تراه بين المواليف سنه=منهو اللي يقول إنه من المنكراتي
قبلي نمر العتيبي المنايا رمنه=كم مرة على الوجد جر وناتي
عزاه يا من بيض العذارى إجرحنه=سهوم المنايا لقلوب المحبين عجلاتي
اليانها قلبه دموع عينه عصنه=يسهر مع عذابه طول ليله ولا باتي
كنه هبيل ونايمٍ في مجنه=يخشى عليه من الجن والعقل فاتي
كم قلب لعبن به وكم قلب احرقنه =وكم زودن بعد هجره مسافاتي
وكم قلب يلاعبهن وكم هن لاعبنه=وكم من رسايل بين المواليف تاتي
وكم واحدٍ بعد ملاعبه يهجرنه=وتركنه يعض أصابعه والشفاتي
لوا حسايف يامن بعد الغلا يبعدنه=وأصبح صويب الرموش الظليلاتي
ترى خلي من قبيلة يزيدون المجنون جنه=وعدوهم يسقوه من السم جرعاتي
وبالحروب اللي مضت يحدون الأسنة=وبالصبر مثل الجبال المنيعاتي
وحريبهم في لقاهم يخلفون أمره وظنه=يرهبون في لقاهم بالسيوف المرهفاتي
من لا مني جعل رجليه بالمشي ما يسمعنه=واليدين في صم الحديد مكبلاتي
ولمسامع صوت المنادي ما يسمعنه=وتكبر ذنوبه ويكثر عليه الشماتي
هذي قصة مودٍ والقوافي ترجمنه=ترجمتها حروفه واكتبوها يا لرواتي
حسبي على الليالي الي عني أفرقنه=وصار الحال مثل عرقٍ وانقطع عنه الرواتي


أخوكم / محمد مسعود سالم المرواني
مطار ينبع