إلى العم خليل الثقفي بعد التحيه

[ياسر الكبيدي]

نبغاله الجرح دكتورين = ودكتور فالود عمره راح
لجله بدى يتضح فالعين = أفعاله معذب الأرواح

[خليل]

مرحبا بأخي العزيز ياسر الكبيدي

بكونسلت طبي لكم جايين = مخصوص ويعالج الاجراح
وحنا له الكشف منتظريّن = حتى نقرر مدى الاصلاح

[ياسر الكبيدي]

أبغى أسعفه قلبي المسكين = الي في وده مايوم أرتاح
أشرح أسى لمين ولا لمين = أساي أعيا قلوب صحاح

[خليل]

الود فيه القسى والليّن = من نهر جاري لنا ياصاح
اشرب من الصافي اللي يبيّن = واترك مراره إذنه لاح
مع تحياتي

[ياسر الكبيدي]

لاتضيع القيل بالتخمين = ولاتزيد فوق السهوم رماح
لوكنت قادر على التقنين = ماجيت أبشكي ألم جراح

[خليل]

ماشي على الرصد و التلحين = في ود مثلك معه لماح
ومادام سهمك شمال يمين = معذور لاتقربه بسلاح
مع تحياتي

[ياسر الكبيدي]

سنين زادت عليها سنين = وانا على معالجه وكفاح
مافادني فيه شين وزين = جرح الذي للحشى ذباح

[خليل]

حنا معك بالحلول نعين = ناخذ ونعطي معك بإيضاح
وجرحٍ تمكن معك تمكين = من ود خاسر بدون ارباح
كبّه ودور لكم شارين = كل قلب لازم وله مفتاح
ومسموح لو تعلن التأبين = وتكتب على شاهده سفاح
ويصحابنا سامحونا

[ياسر الكبيدي]

والله على راسي يابو هاني

كسرة لحن فالمليان