المساعد الشخصي الرقمي

مشاهدة النسخة كاملة : أبوفواز


ضمن السناني
21-06-2005, 03:53 PM
العزيز أبو فواز

استلم لاهنت



سلام وردةن تاصل لأبو فواز=صحيب الجنب والصحبه يقدرها
خابرك انك تحل الرمز والألغاز=لو ان القوم ماباحت سرايرها
ابو فواز
21-06-2005, 11:20 PM
الأخ الشاعر ضمن السناني
تحية طيبة واليك الرد


هلا باللي على اعجابي وحبي حاز=حروفك ياضمن حنا نفسرها
نحل اللغز لاجبتوه مايعتاز= واعرف الناس وش تخفي خواطرها
ضمن السناني
22-06-2005, 12:28 AM
استلممممممممممممممممممممممممممممم


تقوله وانت من قومن كرام عزاز=رجال العرف ماتخلف سوايرها
ثلاثه من كبار القوم فالمركاز=تخيل بروق ماهلت بشايرها
ابو فواز
22-06-2005, 01:09 AM
عجل علينا الصفوف تعبت

عسى ربي يديمك ثقل ماينراز=ويحفظ لابتك ويديم شاعرها
كثير اللي تمنى يبلغ الأنجاز= وكثير من البشر عميا بصايرها
ضمن السناني
23-06-2005, 02:28 PM
استلممممممممممممم:D



ثمان سنين لاخاسر ولاهو فاز=بعد ماصفت الصفين كدرها
ترى الغايه تبرر حيلة المعتاز=لك الله غير لاطالت يبررها
ابو فواز
23-06-2005, 06:33 PM
سلامة الأسفار
اليك أخر رد

دخيلك لاتشب النار جنب الغاز=أخاف انك تكابد من مخاطرها
عليك الله على الدعوه تضع برواز= ومفاتيح القضية لاتكسرها
ضمن السناني
24-06-2005, 02:17 AM
الله يسلمك من عذاب النار

اسسسسسسسسسسسسستلم


ليا شبت نشوف اسمك على التلفاز= وفي الصفحه يدونها محررها
لكن احذر من اللي للفرص نهاز=قبل ماانته على راسك تثورها




وبيض الله وجهك وفيت وكفيت