ياعمر أنا ودي على دار بشار ( قصيدة للشاعر محمد مسعود المرواني

[محمد المرواني]

أرجو أن تحوز هذه القصيدة على رضاكم وهي قصيدة موجهة للشاعر عمر الزهراني




يا عمر أنا ودي على دار بشار=ومن عندهم نرحل لدار الحريري
مليت أنا من حال ترعى بها النار=والقلب من كثر الملل مستطيري
يا عمر أنا في دار أجاويد وأخيار=لكن ما بالقلب شيئاً يحيري
أمشي مع الماشين وأسرح بالأفكار=والفكر من بعض الملا مستذيري
خطير أنا والخطر من يقرب النار=يحرق ويصبح من بلاها ضريري
صبر وتصبارٍٍ ترى الوقت جوار=يرميك بالأهلاك قبل النذيري
الله يعز أهل الوفا شمخ الكار=اللي ذراهم بالشدايد يجيري
واللي مشى في درب وافين الأشبار=هذاك بشراع المراجل يسيري
ما هو من اللي من طويلات الأعمار=يمكن مع الخفرات يلبس حريري
لعل من ينوي هل العرف بأحقار=عليه دورات الليالي تديري
يرميه سو الحظ في شر الأشرار=ويضيق فيه الكون لو هو كبيري
إن عاش ماله بالمواجيب مقدار=وإن مات ما يذكر بذكرٍ عبيري
يا الله عسى يفرج لنا رب الأقدار=ربٍ كريمٍ بالمكارم بشيري
اللي شفى يعقوب من ضيم وأعسار=وأصبح بعدها بالنواظر بصيري
نطلبك وأنت اللي على كل جبار=ياللي بما يخفى الأوادم خبيري
ياالخالق الرازق وياالواحد البار=فردٍ صمد بالحق مالك نظيري
تفرج لمن ضافت عليه الأبصار=يا عالماً بالحال وأنت القديري
عينه سهيره والليالي بالأدبار=ومن لاعتصم بالحق ما له نصيري
وختامها ياالله يا خير الأخيار=في قدرتك يات الفرج بالبشيري
وصلاة ربي عد وبال الأمطار=على رسولاً للحقايق سفيري




أخوكم / محمد مسعود سالم المرواني
مطار ينبع