المساعد الشخصي الرقمي

مشاهدة النسخة كاملة : مرحبا ياأبو ريناد


الجهني
15-05-2002, 12:47 PM
اخوي ضمن استلم
=========


مرحبا ياالشاعر اللي رفيع (ن) في مقامه = اشتهر بالفكر والعرف والراي السديد
قالوا ان الشيخ ضيع صلاته مع صيامه = يوم سمع اللي ينادي يقول اليوم عيد
ضمن السناني
16-05-2002, 03:01 AM
أرررررررررررررررررحب أيها الغالي


واستلم لاهنت والمعذرة على التأخير لأني كنت في حفل الشرم
البقا بالشاعر اللي يسلني كلامه= ولا يخوفني وأنا صاحبك كثر الوعيد
نلعن الشيطان قبل انه يحقق مرامه= ونستعيذ بقدرة الواحد الفرد المجيد
الجهني
16-05-2002, 11:25 AM
اخوي ضمن / صباح الخيرات والنور والمسرات


نعمين والله ياضمن ذروة المجد وسنامه = انتبه ياصاحبي لايقصون الوريد
قالوا ان السهم لنه تعدى مع سهامه = مايصيب الا القوي صاحب الباس الشديد
ضمن السناني
18-05-2002, 06:53 PM
أررررررررررررررررحب

والمعذرة فقد كنت مسافر وهذا وصولي
ماعليكم ذود والله ولا فيكم غشامه=سيف(ن) المصقول والله ترى ايقص الحديد
والسهم يا صاحبي ما يصيب الا (النعامه)=ودونه رجال(ن) تقف وقفة(ن) لاماتحيد
الجهني
19-05-2002, 08:49 PM
الأخ / ضمن / مساء الخير

كنتما رائعين أنت والأخ الشاعر محمد جميل الريفي فقد تابع الجميع اللحن الذي دار بينكما ليلة البارحة نتمنى منكما الاستمرار في ألحان أخرى 0

استلم
====

فكروا بحلولها قبل لاتصبح ندامه = وسيفك المصقول في وقتها لك مايفيد
الأمور الحاصلة ماتبي قوة جهامه = مايحصلك حلها غير بالفـــكر الرشيـــد
ضمن السناني
20-05-2002, 12:36 AM
خلوووووووووووووووووووها
الندامه ماتجينا ليا يوم القيامه=لالفا يوم(ن) عليكم وفي بأسه عنيد
كاسبين الطيب في (طيب)ولا في زعامه=والله ان انطول ما نشتهيه وما نريد
الجهني
20-05-2002, 12:50 AM
استلم ياابو عواد
========

البحر مايقربه غير فاهم بالعوامه = وانت رجال بدوي ماتعرفون الحريد
ان وصلتوا للبحر ياضمن والله ملامه = خلك وسط المزرعة وقصوا اطراف الجريد
ضمن السناني
20-05-2002, 01:02 AM
أأأأأأأأأأأأأأأأأأرحب:D
البحر لو كان يا صاحبي الفين قامه=ما نهابه ياقروي من قريب ومن بعيد
وأنا رجال ابدوي عزتي للمجد هامه=مير والله ما لقينا لكم فيها رصيد
:D
الجهني
20-05-2002, 03:00 AM
استلم وتصبح على خير وميعادنا بكره ان شاء الله


البحر لازاد وقت الضحى فيه ارتطامه = ماتقرب صوبه الا الرجال اللي تصيد
وطاعة المولى ترى ياضمن لنا علامه = هي رصيد الناس يوم ماعندك منها جديد
ضمن السناني
20-05-2002, 11:59 AM
خلووووووووووووووووووووها
الضعافه والرخامه ترى لأهل الرخامه=وابتلشنا فيك يا طالب العلم البليد
ديننا الاسلام وأنته تبي تخلف نظامه=قالوا تزحزح جبل والطبيعه ماتبيد
الجهني
21-05-2002, 06:56 PM
اخوي ضمن استلم وآسف على التأخير


الضعافة ياضمن مالنا فيها قسامه = مير قصّر هرجتك لاتعيد ولاتزيد
الدين والله مكتمل ماسكينه مع زمامه = يوم بعض الناس كثّر عن الدين الصديد
أبو رامي
25-05-2002, 01:51 AM
شكرا لكما فقد أمتعتمانا ,, وجزاكما الله خيرا