إليك يا أبا محسن

[إبراهيم المحياوي]

أخي العزيز أبو محسن
السلام عليكم ورحمة الله وبركاته
أسمح لي أن أتشرف بإرسال هذه الأبيات إليك على أمل أن تحوز على رضاك
وأرجو أن لا تؤاخذني إن كان فيها بعض الأخطاء في الوزن فأخوك لازال عليمي مثل مايقولون


البارحه كني على جال صالي=ماغمضت عيني ولا ذاقت النوم
والهم جاله في ضلوعي مجالي=يلعب مثل لعب اللي عن الديد مفطوم
ودونت أنا من خافقي ماطرالي=وسجلت أبياتٍ من الشعر منظوم
قم يا نديمي ياكريم السبالي=وخذ الجواب اللي مسجل ومختوم
خذه ورح منصاك لأرض الشمالي=منصاك شيخٍ بالقسا يذبح الكوم
وعطني خبر حاله وخبّره حالي=قله تراني عقبكم صرت مضيوم
واللي ظلمني مادرى وش جرالي=أقفى وخلاني وأنا منه مكلوم
عقب المصافا في هذيك الليالي=أصبح علي اليوم من حسبة القوم
و أنا الذي طوعت له كل عالي=يجوز منه الجفا ياصالح اليوم
أبغى الجواب اللي يحل السؤالي=درب الهوى مافيه عادات وسلوم؟؟

[صالح محسن الجهني]

صح لسانك لقد أسعدتني بهذه الرائعة الجزلة والعذبة في معانيها من بداية أول بيت بها إلى ختامها الرائع وملتزما بذلك نهج كبار الشعراء القدماء في كيفية نظم قصائدهم .
فشكرا جزيلا لكم ولا تقول أنك لست بشاعر فعلى العكس أجد لأبياتكم جمال كبير ولقد تشرفت بالرد قبل عام تقريبا بالرد على قصيدتكم وكانت على ما أعتقد مشاركتي الثانية بعد قصيدة مجدنا الزاهر واللي تحدثت بها عن الأبل ويومها كان هنا موجود الأخ العزيز ضمن السناني فالذكريات الطيبة لا تنسى قصيدتكم نظمها أصيل ومفرداتها كبيرة وجزلة رائعة :

راعي البل
البارحة كني على جال صالي=ما غمضت عيني ولا ذاقت النوم
والهم جاله في ضلوعي مجالي=يلعب لعيب اللي عن الديد مفطوم
ودونت أنا من خافقي ما طرالي=وسجلت أبياتٍ من الشعر منظوم
قم يا نديمي يا كريم السبالي=واخذ الجواب اللي مسجل ومختوم
اخذه ورح منصاك لأرض الشمالي=منصاك شيخ ٍ بالقسا يذبح الكوم
وعطّني خبر حاله وخبّره حالي=قلّه تراني عقبكم صرت مضيوم
واللي ظلمني ما درى وش جرالي=أقفى وخلاني وأنا منه مكلوم
عقب المصافا في هذيك الليالي=أصبح عليّ اليوم من حسبة القوم
وأنا الذي طوعت له كل عالي=ايجوز يا صالح يجافيني اليوم
أبغى الجواب اللي يحل السؤالي=درب الهوى مافيه عادات وسلوم


أبو محسن
حيّ الجواب اللي على النت جالي=فيه الوفاء من راعي البل محشوم
جزل المعاني بالمعالي تلالي=لو يكّهف الليل اليماني مع نجوم
يا مرحبا ترحيب غالي بغالي=رسمه لبيت الشعر معناه مفهوم
ياللي لفيت لدار صفر الدلالي=الدار تفرح فيك والجود مقسوم
شيمة لكل الناس أول وتالي=من كبّها بين المخاليق محروم
والحمد للرحمن مسرور بالي=قلبي بعد ما شفت بالحيل مهموم
لا باس يا راع الشعور المثالي=ما للهوى دستور والوضع معلوم
يا ما جرعنا المرّ من بعد حالي=صار الوفاء بين المحبين معدوم
ذكرتني بشكواك زيد الهلالي=لو ما الجفاء والصدّ ما كان زيزوم
أصبر مثل صبّره تنال المعالي=سلّم الهوى ما فيه حاكم ومحكوم

قم يا نديمي يا كريم السبالي ........ أنشهد إنك راعي البل . تقبلوا فائق التقدير والإحترام .
أبو محسن

[إبراهيم المحياوي]

صح لسانك يا ابا محسن
لقد كان يكفيني أن تقرأها فكيف بعد أن رددت عليها
أعتقد أن فرحتي الآن لاتوصف لأن أبياتي المتواضعة نالت إعجابك وأرجو أن تنال إعجاب بقية أعضاء المنتدى
في الختام أرجو أن يبقى بيننا التواصل في المرات القادمه
وأشكرك على تفاعلك معي