معقول مايحسن التعبير للأخ/محمد حامد السناني مع التحية

[عبدالله باخت]

سلام يحوي من التقدير=جود اساسه مع التصميم
سؤال مايحتمل تاخير=وانته حسب عرفك تقيم
راعي عقل ضيع التوقير=يخطى على الناس ويضيم
معقول مايحسن التعبير=ولايميز الهرج ويشيم
مع تحيات اخوك/أبوأحمد

[ناصر الحجوري]

ياسلام يابو احمد

معقول مايحسن التعبير؟ = ولايميز الهرج ويشيم؟

[محمد حامد السناني]

الاخ العزيز الشاعر ابو احمد اشكرك على اختصاصي بهذه الرائعة واليك محاولتى وارجو ان تحوز رضاك واستحسانك

يامن سلامك سلام مدير=مركازة الطيب ومخيم
هذاك فيه العقول تحير=حطاب في ليل ويليم
مافيه ناصح عليه يشير=لاصار في حرفه غشيم
والايقوله تراك صغير=وفساحته عمرك غليم

[ناصر الحجوري]

الاخوين الصديقين
الشاعر عبدالله باخت
والشاعر محمد السناني
اسمحولى بهذه الكسرة تعليقآ
على الكسرة والرد

والله ماهو فرح فالغير = ولاقول يستاهل سليم
ظلم البريء مايعقب خير = يامن ظلم قلب ورحيم

[دفاس]

كركشه

[ياسر الكبيدي]

انا لاأستطيع ان اقيم كسرات الشاعر المحبوب ابو احمد
ولاكن الغصن الثاني مكسور حركياً حيث انه لايتناسق مع الغصن الرابع
وهذا ان دل يدل على شاعريه فذه ومتمكنه .



واستغرب من امير الكسره تعليقه وردوده وهو صاحب الخبره وخريج مدرسة
عايد وصاحب الألقاب التي لم يحظى بها معلمه ان يتساهل في مثل هذا الأمر

ولا السناني ماألومه لساعه عليمي

[يحيى معوض السناني]

هذه المشاركه إلى من ينتقد كبار الشعراء بما ليس بهم

ياصاح لاتخلف التعبير=تخلق قوانين وتقيم
لايطيح دلوك في جوف البير=ولاتقطع رشاك يازليم
القيل ماهو آسى وتعكير=ولاملك لدهم ولا دهيم
القيل فن وادب لاغير=إلكل منهو له يشيم
تحيات اخوكم المبتدي

[دفاس]

القيل ماهو آسـى وتعكيـر = ولاملـك لدهـم ولا دهيـم



تحيه لبومعوض

[طبشون]

اهلا ياابني ياياسر
ربي يهديك ويصلحك ودايم تحب الاثارة
ياابني هذي محاورة بين شخصين اذا كان عنك
نقد يكون برسالة خاصة وبلاشي النقد اللازع
هو صحيح البيت الثاني مكسور حركيا كما ذكرت
بس خففها شويه ياابني ياياسر
وربي يصلحك ياابني على تهجمك على اخيك
محمد حامد السناني وتقوله عليمي فيها
نوع من الاساءة تنعكس عليك حتى لوكان
فيه بعض الكبرياء والغطرسة انصحه برسالة
مع اني متأكد انت ياابني ياياسر الكبرياء لله
اما تدخل الاخ ناصر الحجوري اعتقد فيه نوع من
المجاملة مع انه طيب وامير للكسرة ارجو ان يتسع صدرك
للنقدي ياابني ياياسر لاني اعرف ان الكبيدات طيبين

[ياسر الكبيدي]

يحي معوض السناني

رب كلمه تقول لصاحبها دعني

ماني عاجز عن الرد لاكن اقولك لاتضع يدك في ملك غيرك

ومن هم كبار الشعراء

شعراءك يرون ماأكتب وبإسمي الصريح ويعرفون من أنا ومتأكدين جيداً
أنني ماذا اقدر أن افعل .

ثالثا من أنت حتى تقيم الشعراء يالعليمي

نصيحه
لاتجعل نفسك محامي للناس تراها تطيح على راسك .

احذر احذر احذر

[شبيه الريـح]

القاعدة الأولى

والايقوله تراك صغير =وفساحته عمرك غليـم


القاعدة الثانية

القيـل فـن وادب لاغير=إلكـل منهـو لـه يشيم

القاعدة الثالثة

عيب يا ولد

[جساس]

ياناس صلوا على الرسول، ويش فيكم يعني بالله يرضيكم
كل واحد يرش شوية زيت ،خافو الله وقولو كلام زين بين الاخوان
والله انكم تحاسبون على الوشايه بين المسلمين
ترى حتى النت تتسجل ذنوبه اللهم اني بلغت

[دفاس]

كاتب الرسالة الأصلية جساس
ياناس صلوا على الرسول، ويش فيكم يعني بالله يرضيكم
كل واحد يرش شوية زيت ،خافو الله وقولو كلام زين بين الاخوان
والله انكم تحاسبون على الوشايه بين المسلمين
ترى حتى النت تتسجل ذنوبه اللهم اني بلغت
ايوه صح

[عبدالله باخت]

اخى العزيز/محمد حامد السناني
بعد التحية والاحترام
اليك هذا التعديل

سلام يحوي من التقدير=صمم على مستوى قيم
مع تحيات اخوك/أبوأحمد

[دفاس]

هنا اسمحلي يابوباخت تعديل الكسرة بعد ثلاثة ايام شي خرافي وياليته تعديل فالمعنى التعديل صار فالوزن والحرف لازم تشكر الكبيدي ياسر هو اول واحد اكتشف عيب فالكسره وقبلها منك السناني وهذا ماهو معقول ورد الحجوري وهذا مومعقول فينك ياعايش فينك ياعزازي فينك ياهريويل فينك يبوفواز ياالمثمن كلكم تتحملو خطا تعدل بعد ثلاثه ايام كانت الكسرة تتعدل فالصابيه خلال ثلاثه دقايق ولو سكتو تصير الكسرة مضعضعه
فينك يالنجاب وطبشون ردو علي بالمنطق قدام الناسضاعت موانيه والشطآن

[النجاب]

مدام طلبتني بالاسم انا جيت أقول غصن الشاعر عبد الله باخت مافيه
شي ينتقد لافي الوزن ولافي القافية فهو لم يخرج عن قاعدة الحرف ورديفه
واذا كان هناك شى جعل عبد الله يغيره فاربما يكون من اجل حركة الحروف فقط
اما من ناحية الشاعر محمد فقد قبله لانه لم يجد فيه مايخل بالوزن والقافيه
فعندك مثلآ قافية ( اخلاقه ) و( خفاقه ) يقبلها الشعراء فيما بينهم لانها لم تخرج
عن قاعدة الحرف ورديفه هل فهمت
والى الدرس القادم استودعك الله
يـــــــــا دفــــــــــــاس
ماله مصارع ولا رفاس

[الذهب]

لا لا اسمح لنا ياخي النجاب
اذ كنت تدري فتلك مصيبة وان كنت لاتدري فالمصيبه اعظم
الغصن فيه عيب لاينكر واضح وضوح الشمس الا اذا تريدون الكسرة رص حروف
اعلنوا ان اليوم الثالث للتعديل هو قطوع العزا فالكسرة

[طماح]

يجب ان نحلل اسباب هبوب العاصفه
يقول ابو احمد

ليه مع أهل الموافـا ورد =وفي رسم الامثال ليه شان
ابعد عن اللى يجيب النقد =واعز نفسي عن النفصان
اجابه السناني
انا بهذا الكلام اشهـد=والراجحه مالها برهان
من قال في حقكم يجحد=اسمك تعلا السنام وبان

اجابة السناني : يااهل الشعر فيها وفيها دققوا جيدا على ماذا تحتوي
الغصن الثاني فيه كلام وكلام ا....ذا انت كلامك راجح مايحتاج لبرهان منك
واعتقد انهم فمهوا بعض وخصوصا الغصن
الاخير محتوى راقي من السناني واسلوب تهكمي محترف
هنا لابد لعبد الله باخت من الرد وبنفس الاسلوب
فوجه هذا المشتكى والذي كان سبب هبوب العاصفه
وانخدع به السناني
المشتكى يخص محمد السناني ويلومه بطريقه مخاطبة
الضمير
سلام يحوي من التقديـر =جود اساسه مع التصميم
سؤال مايحتمـل تاخيـر=وانته حسب عرفك تقيـم
راعي عقل ضيع التوقير =يخطى على الناس ويضيم
معقول مايحسن التعبيـر=ولايميز الهـرج ويشيـم
وافق ضرب عصفورين بحجر فتلقاها ياسر
فسلامه يحوي من التقدير ؟؟؟؟ ليس كل التقدير
واعتقد ان السناني لم يتنبه لهذا
ان لم يكن شرب المقلب
وضاع بها ياسر شفو كيف لعبة الشعار

[ياسر الكبيدي]

إسمح لي اخي الطماح

هذه ليست لعبة شعار بل لعبة >>>

ولاكن فين حيروح له يوم زي العسل
قريباً إن شاء الله وفي أقرب فرصة وبالأدب .

وأبغى اشوف منه يوقف معاه فذيك اللحظه وبالأدب.

لك يوم ياظالم حتبقى فيه مظلوم

[دفاس]

كاتب الرسالة الاصلية النجاب
واذا كان هناك شى جعل عبد الله يغيره فاربما يكون من اجل حركة الحروف فقط

ايش الفرق بين حركة الحروف والوزن كلها واحد يانجاب شوف ولا واحد من الشعار قدم شهادته كلا خايف على اسمه الموضوع واضح والكسرة فضيحه حتى ابوباخت اعترف بان وزنتها فيها خلل يمبو

والطماح حلل الكلام تحليل باين عليه شاعر كبير ومثمن لايعلى عليه كلامه سنع وفاهم ايش يقول

وياسر الكبيدي بات مظلوم ولا تبات ظالم لكن خلاص عرفنا والناس عارفه مين هو اللواس المسكين اللي نصب نفسه حارس نسي المثل العالمي المشهور اللي يقول ماله موانع ولاحراس

[غريب الشرقيه]

والله كبير يايحي تصدق يسدهم البيتين الاولين اللي تقول فيه \



ياصـاح لاتخلـف التعبيـر= تخلـق قوانيـن iiوتقـيـم
لايطيح دلوك في جوف البير= ولاتقطـع رشـاك يازليـم

ولاتطيح في جوف البير