صمـــــــــــت الجــــــــــــــــــــــراح

[ضمن السناني]

اخواني يسعدني مصافحتكم بهذه القصيدة و قد كتبتها منذ خمس سنوات ونشرت في جريدة المدينة (صفحة تضاريس) تحت اشراف
اخي الشاعر عبد الله الفارسي.

والمعذرة على القصور
ياصباح الخير يالوجه الصبوح= ياصباح الورد يانور الصباح
البهى من وجنتك عنبر يفوح=والنفل والمسك عطره منك فاح
يوم قلبي بالوفا نبضه يلوح=استهل الشوق في قلبي ولاح
جيت يمك بالوعد كلي طموح=يوم قلبي بالهوى صافي قراح
ليه صار الشوق في قلبك شحوح=وشح قلبك بالعطا عني وراح
ياملاك الروح عني لاتروح=لا يصير الصد في شرعك مباح
آه ياللي مسكنك بين الجروح=كل جرح(ن) منك عاشق للرماح
وكل طعنه منك بالخافق تنوح=تنثر العبرات يوم الليل طاح
لو يطول الجرح في صدري يبوح=ولو يبوح الجرح يطلبك السماح
أدري انك ياهوى بالي سموح= تدفن الآهات في صمت الجرااااااااااح

[الآتي]

ألأخ العزيز ضمن السناني

تحية ملؤها الحب والتقدير

لم أكن أعلم بأنك شاعر بهذا المستوى الكبير والرائع .

وهذا خطأي لأنني متابع غير جيد .


ياصباح الخيـر يالوجـه الصبـوح =ياصبـاح الخيـر يانـور الصـبـاح
البهـى مـن وجنتـك عنبـر يفـوح=والنفل والمسك عطـره منـك فـاح


إلإستهلالة جميلة وتجعلنا نتهيأ لما يليها من جمال .


يـوم قلبـي بالوفـا نبضـه يلـوح=استهـل الشـوق فـي قلبـي ولاح
جيت يمـك بالوعـد كلـي طمـوح=يوم قلبـي بالهـوى صافـي قـراح



الله الله





ليه صار الشوق في قلبـك شحـوح=وشـح قلبـك بالعطـا عنـي وراح
يامـلاك الـروح عنـي لاتــروح=لا يصير الصد فـي شرعـك مبـاح



إذا قل الشوق قل العطا ..... والشاعر لايؤمن بأن لذة الحب في الشيء القليل . وهذا طبع المحب دائما .


آه ياللـي مسكنـك بيـن الجـروح=كل جرح(ن) منك عاشـق للرمـاح
وكل طعنـه منـك بالخافـق تنـوح=تنثـر العبـرات يـوم الليـل طـاح


تضحية................... هناك فرق .......



لو يطول الجرح في صـدري يبـوح=ولو يبوح الجـرح يطلبـك السمـاح
أدري انـك ياهـوى بالـي سمـوح=تدفن الآهات في صمت الجرااااااااااح



مناجاة بريئة ..

إلى الأمام أيها الشاعر الرائع

وإلى اللقاء سأتابعك

[ضمن السناني]

أخي الأستاذ الشاعر : الأتي

تحيه مفعمه بالشوق والشكر الجزيل لشاعر كبير وقدير

قد لا تكون تعرفني ولك كل العذر ولكني عرفت ابداعاتك منذ أكثر من عقد من الزمن

أيها الأتي فقد تصفحتك من خلال كلماتك وقصا ئدك الشجية

عن طريق أخي وزميلي الأستاذ ناجي مساعد وكذلك ما كانت تقوم

بنشره من درر وروائع في (استراحة الشعراء) في جريدة المدينة

حينما كان المشرف عليها على ما أعتقد الشاعر عابد العويضي

وكل ما أتمناه منك أن تزودنا بجديدك عبر المنتدى وكذلك نتشر

بعض من قصائدك الغنائية .


وتقبل تحياتي أيها الفاضل

أخوك ضمن السناني