إلى الـجـمـيـع : دعوة لتوثيق أشعار فن ((الـخـبـيـتـي))

[الحجازي الجهني]

--------------------------------------------------------------------------------

السلام عليكم


يا شباب
هناك بعض الأبيات المشهورة التي يرددها الكثير منا وبعضها قد نسيتها فمن يذكرني بها

من تلك الأبيات

يا حافرين القبر زيدوا ذراعين

يا سيدي عطني حبحبة من بلادك

سندت للقرية ونطحتني البنت

واخيل برق الشام


وشكرا مقدما
ــــــــــــــــــــــــــــــــــــــــــــــــــ ـــــــ
ــــــــــــــــــــــــــــــــــــــــــ

أخي الكريم / الحجازي الجهني .. بعد التحية ..
أرجو منك قبول هذه الفكرة , لما لاحظته في بعض مواضيعك من الاهتمام بالشعر القديم
وعرفاناً مني لك بهذه الفكرة التي خطرت ببالي منذ أن قرأت موضوعك هذا
فإنني أستأذنك في تثبيته وتغيير عنوانه السابق ((أبيات من تراثنا البدوي القديم أبي ( غلاقها ) !!))
واختياره لغرض تدوين الأشعار التي خلّدها ((فن الخبيتي)) وتوارثها الأجيال من خلاله .
متمنياً من الجميع أن يشاركوا بما لديهم
لعلنا بذلك نتمكن من توثيق ما تبقى من أشعار في ذاكرة محبي هذا الموروث .

أخـــــوك / (الشاعر)

ولتسهيل الإطّلاع على جميع ما أُضيف
فإنني سأحاول بعد ذلك أن أجمع كل ما يزودنا به الإخوة هنا من أبيات وتنسيقها في إطار واحد

وبــهـذه الـطـريـقـة :


1) يا سيد عطني حبحبة من بلادك=ومشيعبي ماهي من الحبحب السود
2) ياحافرين القبر زيدوا ذراعين=الدود لاياكل جرايد يديـه
3) سنّدت للقريه ونطحتني البنت=باكور باليد والخواتم مجلاه
4) بارق برق ياحمود قوم استخيلـه=انته تخيل وغيرك اللي شرب ماه
5) بارق برق قِبله وبارق برق شـام=والبارق القبلي رجح فالشمالي
6) أخيل ضلعاناً من البعد غطّيس=يا ليتهـن بحبيّبـي يقربـنّي
7) واسيدي اللي لاقريّب ولاارجيه=ولاهو بعيد وحايل الياس دونـه

[العنيني]

مشيعبي ماهي من الحبحب السود



فقط هذا اللي اعرف

[الحجازي الجهني]

الأخ العنيني
شكرا لك وهذا غلاق بيت منها عندك يعطيك العافية

يا سيدي عطني حبحبه من بلادك ** مشيعبي ما هي من الحبحب السود

وفي انتظار الباقي

[إبراهيم المحياوي]

أخي الحجازي الجهني
هذا بعض ماأعرف عن هذه الأبيات

ياحافرين القبر زيدو ذراعين=والدود لاياكل جرايد يديه



سندت للقريه ونطحتني البنت=باكور باليد والخواتم مجلاه

والاخيره ماأعرفها لكن يمكن تكون


بارق برق ياحمود قوم أستخيله=أنته تخيله وغيرك اللي شرب ماه

[غريب الشرقيه]

ارجوا قبول التكمله ان كانت هي



بارق برق قبله وبارق برق شام = والبارق القبلي رجح في الشمالي


وشكرا علي تذكر الماظي البعيد

[الحجازي الجهني]

شكرا لكم
على فكرة إلى الآن لم يذكر البيت المطلوب وسأكمل شطره الأول

يقول

واخيل برق الشام وجبال غطيف .................................

وهناك بيت آخر

واسيدي اللي لا هو قريب ولا بعيد ...............................

فمن يكمل ؟

[إبراهيم المحياوي]

أخي الحجازي لم أسمع بهذا البيت من قبل ولكن هناك بيت يقول

وأخيل ضلعان من البعد غطيس=ياليتهن بحبيبي يقربلي


والبيت الآخر


واسيدي اللي لاقريب ولا ارجيه=لاهو بعيد وحايل الياس دونه

[الشاعر]

هذه إضافة مما أعرفه
من الأشعار الجميلة التي خلدها هذا الفن
الذي أعترف وبكل صراحة أنني أعشقه حتى الثمااااااااالة
بشرط أن يغنى بالطريقة الجماعية كما هو بأشرطة الكاسيت القديمة خصوصا من شباب ينبع النخل..
وأطرح هذا الموضوع مع أخي الحجازي الجهني
بالرغم من اعتقادي أنه لم يبق إلا القلة ممن يستهويهم هذا الموروث الراااااااااائع

وهناك أبيات قد تحتاج إلى التعديل فقد كتبتها كما أعرفها
وبعض الأبيات سأكتبها ناقصة لأني لا أعرف تكملتها وسمعتها من شريط قديم جدا وغير واضح
وأرجو الإفادة ممن يعرف





يا عم عطني حبحبة من بلادك=ومشيعبي ماهي من الحبحب السـود
الرد على هذا البيت هو :
إن كان باغي حبحبة مرحبا بك=وان كان باغي غيرها الريع مقعود
............
يا موقدين النار جَوْكُم مسايير=ياللي حَطَبْكم سَيْمَراً تشعلونه
آنا وخلي فرقتنا المقادير=يا من خبر بيديه يطرف عيونه
...........
يا نجم روّح لا تمشّى على الهون=ابغاك قبل الصبح توصل سلامي
..........
قمري يغرهد بالسّلَم سَمّ حالي=ما باس يا قمري تغرهد لحالك
..........
يا ظبي وفنون السلَم ورّشتلك=امّا اسقني ولاّ اكفني شرّ قتلك
..........
بير الوحَيْدي ليتنا ما وردناه=فوقه غزيّل لوّع القلب واشقاه
..........
يااهْل الركايب ريّضوا لي على الهون=ردّوا عليّ ارسانهن واردفوني
وِلْيَا وصلتوا دار مدعوج (الاعيان)=بعدين جِمْلَت حالكم نزّلوني
............
يا سِيْد روحي طالبة مِنْك روحك=امّا هَدَا ولاَ مبادَل بالارواح
...........
ريحة نسمها يا عطر في قوارير=بالخمن ولاّ ما تقرّبت منها
..........
واروحي اللي من هوى زيد ذابت=كما يذوب من الندى كل قرطاس
..........
يا طرف عيني لا تعلّم بماارعيت=خَلَّك كنين السدّ لو ينشدونك
..........
سدّي بحر وامّا انت سدك ضحاضيح=وش قرّب الضحضاح من جمّة البيح
...........
سَرَيت باغ حبيّبي بتّ من دون=ردّتني القمرا وكلباً نبوحي
..............
يا زارع الطَّرْفة بزرعك تمغريت=هيّا معي للخبت اورّيك زرعي
...............
خضر النواشي قيّدني بقيدين=ما سدّ قيد الرجل عن قيد الِيْدين
...........
يا لابس الخَمري مشاليك بانت=حتى الثمان اللي تَحَتْهن مجلاّه
............
يااهل المجنّة ما دريتوا عن العيد=من فرعكم سلّة ومن تحتكم طين
...........
لعل خبت زبيد ما ينبت الريف=اللي نحى بحبيّبي عن مرابيه
..........
ردّوا لنا ياللي عليهم ترودون=ردوا لنا وقت المسا والصباحي
.........
يا سِعْدكم ياللي على العدّ تِرْدُون=اخضر شِجَرْكم والمطر ما يجيكم
..........
سلام منّي يا شِجَرْة القضيمة=ياللي تِحِدّ الدرب من مَطْلع الشمس
...........
يا بنت ياللي واقفة ما تحَطْبِين=مدّي حبيلك وانا اخوك احَطِبْلك
..........
يا بنت ياللي بين الاغصان تَمْشين=ما تاخذيني خادماً عند ابوكي
...........
البنت نورة وِردها اليوم ولاّ امس=يا حاسبين لوِردها علّموني
............
البنت نورة طبّت الحبس ابو قيد=لا تنزل الطرفة ولا تروح للعين
...........
البنت نورة طالبة صيّادية=والبصر غالي والسمن بالْوِقيّة
.........
يا بنت يا نورة تعالي هنيّا=الزرع زرعك والمحاجر فداياك
...........
جرّة حبيبي بالخلا سكّنتني=عساك يا جرّة حبيبي تدومين
...........
الشمس غابت والعشا ما طحنّاه=قومي اطحني ياامّ اليدين المحنّاه
..........
قصّيت لي بالدرب جرّة حرامي=ياكل من الحبحب وياكل نوامي
...........
لقيت طفلا بالخلا مانسى الريف =تفقّدوا يااهل الحلال المحيلين
..........
ظلّيت اخيل البارق اللي بِعِيدي=غابت عليّ الشمس وانا اتحرّى
..........
ظلّيت اخصّ الشوف بين الخِلالَين=ولْيا تباين سيّدي يِدرقونه
...........
حبيّبي لاما بغى حرقةً لّي=يرخي المليثم لين تَبدي ثناياه
..........
يابو سديرية على الصدر شَبْكِي=اقوم واقِف وانحني واقعد ابكي
..........
يا مزنةً تِرعد علوّ المدينة=هلّي على خَيّي ولا تغرقينه
.............
نسيت مِحبالي ومحبال خيّي=في راس جِرْمة في محاميلنا العام
...............
يا حاضرين الصيف قولوا لابويَه=ثوبي تقطّع والمحاريد ذابت
............
لا واسعيدك يالْقمر بين نجمين=لا جرّب الفرقى ولا دمعة العين
.............
يا عين هلّي صافي الدمع هلّيه=ولْيا انتهى صافيه هاتي سريبه
يا عين شوفي زرع خِلّك وراعيه=هذي معاويده وهذا قليبه
اللي يَبِينا عيّت النفس تَبغِيه=واللي نبي عيّا البَخَت لا يجيبه
................
البارحة بديار سِيْدي تمشّيت=يوم الثريّا هكّبَت للمغيبي
لقيت سيدي قاشعاً سترة البيت=على المخدة والفراش الرطيبي
بغيت اسلّم فوق خدّه وذلّيت=من الجنابي مرهفات (الحديدي)
حطّيت راسي عند راسه وونّيت=ومع ونّتي راع الزّمَيّم وعيبي
...............
أمس الضحى رحنا نبحّر غنمنا=في مفرق الرايس لقينا حمامة
لو شفتها يا عيد تِذهِب غنمنا=وتضيّع المشلح وتنسى العمامة
.................
محبوس ومسلسل وانا مَقدر امشي=واجرمتي وش قرّب الحبس مني
.................
صبرت لين الصبر هجره بلاني=عسى عدوّي ذاهب العقل فاني
..............
عندك حكى فيّه وعندي حكى فيك=واصبحت مبغضنا وحنّا كرهناك
...............
يا طرف عيني لا تعلّم بماارعيت=خَلَّك كِنين السدّ لو ينشدونك
.................
العفو َلَله كيف غرّيت روحي=اغريت والارواح ساس المَغَرّة
....................
واحالي اللي يَنْحل الصَّبر منها=مثل المعلّم يوم يَنحل من العود
...............
الخاتم المنقوش انا ويش اَبَي به=امّا انكسر ولاّ تِضيّع عليّه
...............
واخاتمي وابندقي واعصاتي=في ديرة الاجناب ضاعن عليّه
...............
واعيني اللي مثل عين المدوّر=وعيون من واعَد خويّه ولا جاه
................
سِيْدي نسيني يِحْسِبنّي نسيته=والله منسى سيّدي لو نسيني
...................................
ما تنسكن يالـ.... بعد سالم=من يوم سالم بالقطاير نَحَوْا به
في ضي سيدي ...... ساعة=بين النهار وبين ساعة من الليل
عسى القطيعة يا نعيجات محمود=...............
يا عمه اللي بالنخل اطعميني=وانا اللي ......... وانا الذي فوق
..........قعد بالبيت يدعج عيونه=.............
يا (مدمجة) ياللي مع الضان ترعين=..............
يا ......... يابالحَنِيّة=قوّمتني وانا عظامي وِنِيّة
......................................
...................................
..............................
ليه يا سلمى والسحابة تعدت من هنا=حاملة بالما واستهلّت بماها عندنا
جبت لك خاتم من ذهب كاد تبغى العافية=خاتم رجالي في يمينك لبوس العافية
ليه يالقمري ماتجي عندنا تجلس هنا=............
.....................................
............................
...................
يابن جبر فك المحابيس=الله يخليلك عيالك
يابو سليمان العسيري=خلّيت رجلي ماتسيري
وتسير وتعوّد عليه=يابو سليمان العسيري
ياهَل بدر وانتم سيادي=دخيلكم حلّوا قيادي

[ZEYAD]

الحقيقه ماقصرت يابو يعقــوب جمعت الشي الكثير ..الله لو شفتني وانا أقراها..قاعد أتذكر البيت هذا يوم غناه فلان فاليوم الفلاني والا فالشريط الفلاني والبيت هذا سمعته من فلان ..ذكرتنا بأيام جميله أفتقدناها . عموما يبدولي يا أستاذ يوسف أن عبدالله بن عطيه له كم شريط وبالمناسبه عبدالله عطيه من أفضل من سمعت يغني الخبيتي وعيجانه ماسمعتها من أحد غيره الا البعض ممن هم أصغر منه سن ( بالمناسبه اشرطة عبدالله عطيه ماهي كثيره يمكن شريطين او ثلاث كانت عندي وهالحين مدري وينها ..اللي يبغى يسمع الخبيتي يسمعه من عبدالله عطيه.

بالمناسبه البيت اللي يقول :- نسيت محبالي ومحبالي اخويه أو خيي ...الشطر الثاني يقول :- في راس جرمه في محابيلنــا العام

[ZEYAD]

لأن الشيء يذكر بالشي
ياصخيف الذرعــان يادقيق العــــود ++++ لاتاخذين اللي به الشـــيب لاحـــــــي
يسهرك بالقحه وياكلك بالـــــــــدود ++++ يجعـــل عيونك ماتذوق المراحـــــــــي

وايضــا أذكر :

ياجادلا مـــرباه خشم الكنيثيـــــل ++++ وليــا تيامــن ماتعدى كليـــــــــه
ذبحتني يابو زمــيم مفيتيـــــــــل ++++ ذبحتنــــي واوجد أهيلي عليـــــه

وايضا :

البارح آنا والغضــي في ملايم ++++ بفراش منثــور الزهر في حواشيــــه
واليوم آنا والجمل واعنـــــايه ++++ متلحف المشــلح وطل الندى فـــيـــه

ملاحظه : البعض يقول ان ليست ملايم بل ملايه ...الا أني لست مع هذا الرأي

هذا ماجادت به الذاكره على الأقل في الوقت الراهن وأن شاء الله أذا تذكرت ..أكتبه ...بس لنا شرط حنا يالمشاركين يالحجازي الجهني تدري وش هو ؟ أذا أصدرت كتاب لاتنسانا من النسخ المجانيه وخصوصا الأخ يوسف الكشي ...بالمناسبه في ردي السابق كتبت كلمة محبالي الثانيه خطأ الصحيح محبال فيصبح صدر البيت كالتالي :
نسيت محبالي ومحبال أخويه

يبدولي أن معظم القصائد النبطيه يمكن غنائها على الحان الخبيتي التي لاتعد ولا تحصى ...الى اللقاء

[ZEYAD]

ياسيدي خذني بين لابتك والطوق ++++ عسى نسم روحي يعود عليه

يامسيكين منتهي هذا

[محب الموروث]

شكرا لجميع الاخوة المشاركين هنا على تدوين كلمات ( الخبيتي ) ذات الدلالات والمعاني الجميلة ، وهذا اللون من الفلكلور الذي ينتشر ايقاعه المميز بقوة الأن في دول الخليج ينتسب اصلا الى ينبع للمنطقة المعروفة بإسم ( الخبت ) شمال ينبع أوالمنطقة المسماه ( خبت زبيد ) بين ينبع ومستورة ، وليس بالضرورة أن تكون التسمية مرتبطة بمعنى الخبت أو مايشاع بأنه من غناء الجن والعياذ بالله .. حيث يطلق أهل ينبع مسمى خبت على الصحراء أو البرية التي يندر أو يقل بها السكان ..
للخبيتي الحان عديدة يؤدى كل لحن مع مايناسبه من أوزان الشعر واشهرها الوزن الوارد هنا .. ويقول العامة من أهالي ينبع بأن الكثيرين من قبيلة المحايا وهي قبيلة كبيرة من جهينة اشتهروا بأداء الخبيتي ، وكما ذكر الاخوان فإن الفنان عبدالله بن عطيه هو أفضل وأجمل من يغنيه الأن فليته يقوم بتسجيل عيجانه ( أغانيه ) وتهليلاته ( جس لحنه على طريقة مايعرف بالموال ) ..
اسمحوا لي بإضافة مايحضرني من كلماته كما حفظتها ..
لاتحسبوني يوم غنيت طربان ÷÷÷ أبغى اتسلى واطرد الهم عني
ضو القمر وأنا احسبه ضو سيدي ÷÷÷ ياضو سيدي نور الخبت كله
يابو ثنايا بيض من غير مسواك ÷÷÷ ياليتني مسواكها اللي جلاها
اشرب من الما واحسبه ريق سلمى ÷÷÷ ياريق سلمى ياعسل في زبادي
أنا وخلي فرقتنا المقادير ÷÷÷ يامن خبر بايديه يطرف عيونه
ياليت لك يالقبر ضبه ومفتاح ÷÷÷ حتى نهار العيد اعايد حبيبي
يابن ...... لاتجوز ( فلانه ) ÷÷÷÷ خلي ( فلانه ) سارحه في غنمها
جرة ( فلانه ) فالبلاد أم حناء ÷÷÷ تقطف من اللمام وتحط فالجيب
نسيت مسواكي على بير عسفان ÷÷÷ عودت له من ساعتي مالقيته
يابنت شوفي حالي الله يجازيك ÷÷÷ نش اللحم ماباقي الا عظامي
شربت شربه لاحفيره ولابير ÷÷÷ ولاهي من أرض الله ولا من سماها
رجلي فالما والضما حرق الجوف ÷÷÷ هاتو حبيبي يطفي النار عني
ياسيد روحي طالبه منك روحك ÷÷÷ اما هدا والا مبادل بالأرواح
لقيت الادمي عند صيادة الحوت ÷÷÷ مااخبرك يالساحل تلم الادامي

[قمر دين]

والله رااااااااااااااااااااااااااااائعين وما قصرتوا

[درع مكه]

سلام ياشباب الله الله يعطيكم الف عافيه ونبغا منكم المزيد عندي العاج هذا واتوقع يكون بهذي الشكل ونبغا الافاده منكم يحافرين القبر زيده ذراعين = والقبر واحد والكفن فيه الثنين

[درع مكه]

سلام ياشباب الله يعطيكم العافيه والله ماقصرتو فالعيجان كلام مربط واطمع منكم المزيد معليش ياشباب عندي هذا العاج نقوله بهذي الطريقه يحافرين القبر زيده ذراعين = والقبر واحد والكفن فيه الاثنين اعطوني وجهة نضركم واكون لكم من الشاكرين0

[درع مكه]

سلام ياشباب الله يعطيكم العافيه والله ماقصرتو فالعيجان كلام مربط واطمع منكم المزيد معليش ياشباب عندي هذا العاج نقوله بهذي الطريقه يحافرين القبر زيده ذراعين = والقبر واحد والكفن فيه الاثنين اعطوني وجهة نضركم واكون لكم من الشاكرين0