خاطرة..

[الغانمي]

بعض البشر كان حشمته = يجيك رده بـلا حشمـه
حتى لو بهـون كلمتـه = ماتغيّر بطبعـه الكلمـة

[صالح محسن الجهني]

أخي العزيز الغانمي
تحية طيبة يا أبو سعود وصح لسانك على هذه الخاطرة الجميلة تقبلوا مع فائق التقدير والإحترام هذا المشاركة المتواضعة حفظكم الله

لا تندم لطيب قدمته=يا مثمن الحرف والحكمة
من لا فهم يوم فهمته=يفهم إذا زالت النعمة

أبو محسن

[الذراع]

،



صدقت في كل مـا قلتـه=بعض العرب تركهم رحمه
وانصحك باللي اذا كرمته=يبديلك الطيب والحكمـه

[ابوسلطان]

بصراحة لاعطر بعد عروس لافض فاك يالغانمي وبقية الاخوة.

[دفاولا]

اخي الغانمي اليك مع التحيه


ذكرتني حي جربته= ماباقي إلا تقول إسمه
يبعد إذا منك قربته=ويحسدك من هبة النسمه

[الغانمي]

من لا فهم يوم فهمتـه = يفهم إذا زالـت النعمـة


الله اكبر

الغصنين هذي بكل كسراتي اللي قلتها واللي بأقولها يا ابو محسن,,

لله درك ولافظ فوك..

تقبل تحيتي..

[الغانمي]

استاذي الذراع..

نصيحة اعتز بها ومرورك عزيز على قلبي..

لاعدمناك ياسيدي والف شكر

تقبل تحيتي..

ابو سعود

[الغانمي]

العزيز ابو سلطان..

مرورك هو الأسمى

لا عدمناك وتقبل تحيتي

ابو سعود

[الغانمي]

الأخ العزيز دفاولا.. ((الوافد))

اثارينا في الهوى سوى..

لاهنت على المردود الرائع والف شكر

تقبل تحيتي

ابو سعود