صدمات الأيام !!

[خليل]

لو شاب راسي ماظن تروح = صدمات الأيام مع قلبي
تبقى معي من أثرها جروح = لا شفتها افتكر غلبي

[صالح محسن الجهني]

عزيزي أبو هاني تحية طيبة أطال الله في عمرك وإليك هذا الإرداف مع أطيب التمنيات على هذه الخاطرة الجميلة والواقعية :

أخبرك دايم رياضي روح=دكتور فالنادي الطبي
ما حي سالم وأنا مجروح=مثلك وبي جرح متخبي

أبو محسن

[دفاولا]

ما حي سالم وأنا مجروح مثلك وبي جرح iiمتخبـي
سلامتك يابو محسن



ماباس مابك عليك تنوح= فزّاع ياخل وملبي
حتي يجي خاطرك مشروح=ونقولها يسعدك ربي

[خليل]

مرحباً بابو محسن والاخ دفاولا

جرحي قديم الاثر مفتوح = مكتوب عن داخله سلبي
كل ما نسيته وعنه اشوح = القاه قدام في دربي

[صالح محسن الجهني]

أخي دفاولا تحية طيبة ولا هان راسك ( ونقولها يسعدك ربي ) ما أجمل ما قلت و ما أجمل ما تسطرون خصوصا هذه الثنائيات مع أستاذنا أبو هاني وإليه ... تقبلوا جميعا فائق التقدير والإحترام :

نفسك عزيزة وفيها طموح=تشكي من الحظ يا مربي
الله كتبها شقي وفروح=ومن وكّل الله ما يكبي

( يا مربي ) أي ( يا معلم )
أبو محسن

[دفاولا]

كلامك الجميل شهاده اعتز بها وتبقي علي راسي ما حييت
وكملي عنك بس الله يجازي الأسم المستعار

اما ابو هاني بعد المساء السعيد لك وله فا اقول



كل شي في ذا الهوي مسموح=لو فا الحشي النار تشتبي
ماينسي طاري المملوح=والي نسي ماله محبي

[الرحال]

استاذنا العزيز خليل الثقفى الموقر
السلام عليكم ورخمة الله وبركاته
عزيزى الفاضل املى من الله العلى القدير ان تكون
بصحه وعافيه ولايعرضك لصدمات الأيام ولاكن لاتهمك
الزحمه خذلك صدامات جيب حديد اصلى ما تهمه الصدمات
عزيزى خليل والله الحال من بعضه ولكن

خل المروح مع اللي يروح=خذها نصيحه من الحربى
والقلب راعيه وادرى الروح=يا استاذ لاجيال ومر بى

شاكرا ومقدر لك عزيزى الغالى
اخوك عايش صالح الأحمدى
الرحال
11/3/1426

[القالط]

اليك استاذى ابو هانى جعل الله ايامك سعيده


صدمات الايام تبقى تفوح = كل ماحصل شى فالدربى
حاول معاها عساها تزوح = وربك يخفف لنا الكربى

[خليل]

يبقى الأسى بالفؤاد يلوح = تاريخ مكتوب ومّصبي
ولا ظن غير الصبر مطروح = ياسادة القيل في حبي
حبايبنا ابومحسن دفاولا الرحال القالط شكراً على مشاعركم النبيلة لاعدمناكم ولكم تحياتي