محاورة مع صديق

[خليل]

محاورة تمت مع احد الاصدقاء يرفض وضع اسمه مبدع سأحاول تسجله بالمجالس لما يمتلكه من ابداع وكانت عبر الجوال ليلة زفاف ابو مديدة
[/poet]
الصديق
عبر الاثير الذي بالكون = ابعث سلامي لكم تكميل
نبع الوصل بيننا محزون = واخاف نهره يعود غيل
خليل
يامرحبا والظروف تهون = وحنا ندور على التسهيل
ولاحان وقته انا مضمون = والنهر باقي معاك يسيل
الصديق
مادام ودك لنا مرهون = وبيناتنا غاية التبجيل
ابغاك تسمع لحن وشجون = تاخذ وتعطي معي فالقيل
خليل
ابشر وهات الذي مكنون = في داخل النفس للتفصيل
لجلي معك بالّحن مفتون = ياراعي الفن والتأصيل
الصديق
قلبي يعاني ألم وحزون = من الواقع اللي علينا يكيل
مثل الّذي في عذاب الهون = لاحل يملك ولاتحويل
خليل
ماحي سالم بدون طعون = كلاً بهذا الزمان يشيل
وان كان ودك حكم موزون = ابغى اخضع الوضع للتحليل
الصديق
كل ما استنارت لديّ شئون = يظهر لنا بالأفق تقفيل
انا00واللي معي يسعون = نرجع حيارى بلا تحصيل
خليل
دوّر السهل واعرف المخزون = واعمل دراسات للتأهيل
واذا لقيت الامر مسنون = ابعد عن القيل والتأويل
الحر يرضى بقليل يصون = والوقت ما يقبل التأجيل
ويصحابنا سامحونا

[الذراع]

الحر يرضى بقليـل يصـون = والوقت ما يقبـل التأجيـل


الأخ الشاعر ألأديب / خليل و الشاعر الصديق

أبدعتم وأجدتم

تقبلوا أغلى تحية

[خليل]

شكراً اخي الذراع على مرورك وتعليقك لاعدمناكم ولكم تحياتي
لازلنا مع شاعرنا الصديق الذّي يرفض حتى الان ذكر اسمه وقدارسل الي مشتكى اخر ولازالت المحورة مستمرة

الصديق
اسمع لصوت الّذي مقهور = يستنجد الحق وينادي
حمّل على طاقته مجبور = من ظلم جاير ومتمادي
خليل
صوتك وصل والنبا مستور = والحال ماهو معك عادي
اشقيتني جيتلك مذعور = وش صابك اليوم يالحادي
الصديق
ياصاحبي من قديم دهور = مرغم لوده ومنقادي
والأن سوى عليّه سور = وهو الّذي بالأسى بادي
خليل
لايطشك الفكر بالمحذور = وتعيش في نار وقادي
هذي مقادير بالمسطور = ولااظنها جات من غادي

[أبو سفيان]

شكرا يا خليل على ما أمتعتنا به في هذه المراسلات الجميلة

بينك وبين الصديق

نأمــل أن ينمو التواصل بينكما في هذه المحاورات الشعرية
الممتعـة وشكرا لك وللصديق .

[تاجر الفل]

تسلم يابو الخل على هذه المحاوره الرئعه..

[خليل]

شكراً استاذنا ابو سفيان على مرورك وتشجيعك 00احاول تسحيل الصديق بالمنتدى ليفيد ويستفيد وفي نظري لديه امكانيات جيدة ارجو ان انجح في محاولاتي
الاخ العزيز تاجر الفل شكراً على مرورك وتعليقك لاعدمناك ولكم تحياتي