غـــدٍ لـناظــــــره قـــريـــــب

[العطاوي]

مـواقف تعرفك برجـال "=" ومواقف تكدر الخاطــر
ما أدري مِتى يستـقرالحال "=" وقريب الغد للناظر

[خليل]

نأخذ من ايامنا امثال = في أول الوقت والحاضر
تلقى بوسط الرجال جمال = وتلقى من الناس متقاصر

[العطاوي]

ياخل فا المقبلات أهوال "=" واليوم أشوى من الباكر
الله يسـتـر عـلى الأشـبال "=" دام العـقـل ما له مناصر

[خليل]

العقل يبقى مع العقال = واللي يجنب عنه خاسر
والناس تلقى بها اشكال = هذا يقدر وذا ناكر

[العطاوي]

اليوم جيل الرجل بعقال "=" ومخـابر أول غـدة نــادر
ومطـلوبنا جيته فـثـقال "=" ولافيه جمرك على العابر

[خليل]

كل وقت له دولته ورجال = وفي وقتنا اليوم متعاسر
العز يبقى لاهل المال = واللي معه قرش متياسر
ويصحابنا سامحونا

[العطاوي]

وش حيلة اللي قليل أحوال "=" وأغلبهم لخاطره كاسر
فالمرجلة ماسك المنوال "=" وعايش فوقت الرخى قاصر

[القالط]

الى شاعرنا الكبير ابو هانى لك التحيه وانا اعرف ان كلمت
سامحونا ان اللحن انتهى ولكن مرورى مجرد اعجاب

الى الغالى شاعرنا ابو انور المحاوره مع ابو هانى مكسب
ولنا نحن انت وهو عينان فى رأس

وهذه لابو انور


حركت فى خاطرى والبال = امور منها العقل ساهر
لجل الذى فى زمنا طال = اسوأمن اللى لنا ظاهر

[خليل]

اخي العطاوي إليك المردود الاخير مع التحيه وهلا بالعزيز القالط ونكسر القاعده على شانك

بالصبر تتحقق الامال = والاجر مكتوب للصابر
ويطلب من الله عساه ينال = والخير من عنده القادر

[العطاوي]

تشكر يأبو هاني على تواصلكم معنا في هذا اللحن
ونأسف على الإطاله
وتقبل مني فائق التقدير والإحترام

ــــــــــــــــــــــــــــــــــــــــــــــــــ ـــــــــــــــــــــــــــ
وحياك الله يأبو نواف
وتسلم عيونك يالغالي وسعدنا بتواصلكم الكريم
وإليك المردود مع التحيه


اللي مضى حملنا ينشال "=" وفي مطلب الحق لاتجاهر
لجل العدل إنقـلب تمثال "=" والغزو غطى على الساير
السيل يعقب مطـر وبال "=" واللي على دربه مخاطـــر
وصلاة ربي على من قال "=" آخر زمان العقـل حــاير