المساعد الشخصي الرقمي

مشاهدة النسخة كاملة : قصتي وأنا صغير


أبو تركي
04-08-2002, 02:36 AM
قصتي وأنا صغير تجدونها في هذه الأبيات :


يوم كنت صغير يقولون جني=ماخبر واحد على أمي ما اشتكاني
كنت موذي والوذا مخلوق مني=كنت أشقا طفل مولود بزماني
أتشخص بـ ( الطاقية ) يعنني=صرت أغازل واعرف اسلوب الغواني
كل بنات الحارة كانن يعشقني=ابتسام..وهند..وأحلام..وتهاني
كنت بالحارة من الطيش أحسبني=سندباد اللي عرف سر المواني
لين في مره وأنا أمشي وأغني=رايح لدكان عدنان اليماني
وش تبون بقصتي يخرب مطني=واعذروني لاخذل حرفي لساني



من قصيدة طويلة للشاعر / خالد الردادي
اختيار / الإعصار 99
أهداء خاص / للولد الشقي (تنفع له )
بعيد الهقاوي
04-08-2002, 02:40 AM
ابتسام وهند واحلام وتهاني

ودكان عدنان اليماني


فيها ذكرى جميله لايام زمان والله جدا رائعه




تسلم يا الاعصار


جيتك من الاعصار


بعيد الهقاوي
الجوال
04-08-2002, 02:41 AM
الأخ المعاصر 999

تحية طيبة

مشاركة جداً متميزة

والله يعطيك العافية

أخوك

الجوال
الجهني
04-08-2002, 02:50 AM
الأخ الاعصار تسلم على هذه المشاركة الرائعة 0 ومادام القصيدة طويلة ياليت تكتبها كاملة ولك تحياتي
أبو تركي
04-08-2002, 03:12 AM
القصيدة كاملة من أجل عيون الجهني





يوم كنت صغير يقولون جني=ماخبر واحد على أمي ما اشتكاني
كنت موذي والوذا مخلوق مني=كنت أشقا طفل مولود بزماني
أتشخص بـ ( الطاقية ) يعنني=صرت أغازل واعرف اسلوب الغواني
كل بنات الحارة كانن يعشقني=ابتسام..وهند..وأحلام..وتهاني
من قبل لا أقول طيري يلحقني=ويحبسني قبل لاأصل مكاني
كنت بالحارة من الطيش أحسبني=سندباد اللي عرف سر المواني
كنت أوسوس بالشعر من صغر سني=والمس جروحي علشانه وأعاني
لين في مره وأنا أمشي وأغني=رايح لدكان عدنان اليماني
مرني خنجر غلا عشق وطعني=جايني من وين ؟ مدري بس جاني
وش تبون بقصتي يخرب مطني=ما ضحك غيري علّي ولابكاني
أسمعوا بوح الحنين اللي سكني=واعذروني لاخذل حرفي لساني
لاتعدون السهام اللي رمني=وتسألوني وش كثر عوج المحاني
احسبوني طفل محتاج لتبني=عن حسدهم حافظ السبع المثاني
آه.. منه وآآآه منكم..وآآآه مني=من نبش فيكم ورى صمت وحكاني
أيه أموت بدونه وأحيا كأني=عايش بدوني غياب انسان ثاني
والله إنه بالوهم يوم يحظني=طيفه يصدق..وانا أذوب بحناني
أكذب الصدفه وأصدقها واهني=وأجرح الساعة لأجل خاطر ثواني
وأسألوا بنهاية المشوار فني=من وشم جرحي على صدور الأغاني
بلغوه إني تعبت من التمني=ولا لقيت أريح من أحلام الأماني
وصدقوني مو غرور ان قلت اني=ما (....)قصيد إلاّ عشاني
وسامحوني بس هالمرة لأني=طحت من عقلي على قمة جناني


من مجلة أصداف العدد ( 46) ص ( 68) بعنوان ( قمة جناني )
بعيد الهقاوي
04-08-2002, 04:57 PM
بس لعيون الجهني لنا الله يا شيخ

حارقين انفسنا ولا احد سأل فينا


ترى امزح الجهني يستاهل عيوني اعطيه
الحازم
05-08-2002, 10:00 PM
اخوي الإعصار

يعطيك الله الف عافيه

على هذا الإختيار الرائع

قصيده جميله

كلك ذوق

وتقبل تحياتي واعجابي

اخوك / الحازم
الرسمي
26-08-2002, 05:39 PM
الاخ : - الاعصار 99

تحيه وردوفل

قصيده رائعه ( كلها اذيه ) ( وكان اسمك سندباد ) .

تسسسسسسسسسسسسسسلم ياالاعصار


_____________
اخوك : - الرسمى