أمشـي وأدور

[النادر]

من كلمات عبد اللطيف الدليجان

أمشـي وأدور عـن رفيـقٍ يسليـن=ألقـى مثـل ماألقـى حياتـي رهينـه
أبيـه يفهمنـي مـن العيـن للعيـن=من قبـل لأبـوح بخاطـري وأبينـه
إن كان طبعي غموضي ونفس حزيـن=ياكيف أبلقـاه .. وأنـا أقـول وينـه
مليت أنا أصبر .. وين أنا والصبر وين=صبري تلاشى بين صحـراء وسفينـه
فجأة تجيني..وقلت هـذا هـو الزيـن=لقـيـت نفـسـي تبـيـه وتديـنـه
كلما وعدتيني بصوتك ..قلت أنا زيـن=وأذكـرك .. الوعـد للـحـر ديـنـه
نخطي ونزعل والرضـى دوم حرفيـن=حــلال ياحـرفـك الأول تجـيـنـا
حـرف الحمام اللـي تحـاوم بالأثنين=وحـرف البساتين اللي بضمة يمينـه
عنادك أشبـه بطفـل حايـر بلعبتبـن=يلعب بوحـده والثانيـة بيـن يدينـه
لامن سمعتـي بيـن كلمـة وثنتيـن=لاترتكـي لأصـوات عـذالٍ سجينـه
أنتي وأنا من يعـرف الحـال والبيـن=ماغيرنـا مـن عقـب ربٍ تشهدينـه
ماعمر أحدٍ راح مـن كيفـه وبعديـن=نفسـي ماترضـى ترتجيـه وتلينـه
إلاّ إنتي ما أقوى زعلك اللي بألف دين=أحـس زعلـك زعـل كـل المدينـه
دايـم تبينـي أبـدأ بـالأول وألحيـن=ياخوفي من مـدّي .. غبونـه تهينـه
لامن فتحتي كتابـي عقـب العناويـن=إبديء من أول صفحته ومـن يمينـه
ياللي بغـلاتـي زيـن كـل المزاييـن=وياللي تداوي كل مـن شافتـك عينـه
ماهمني طيب العـرب مـن الردييـن=دامـك معـي قولـي اللـي تقولينـه
أن أشهد إن الله خالق الكون والطيـن=يجـازي كـل أمٍ تحـمـل بضنيـنـه
ساعة تجيني بعالي صـوت المحبيـن=وساعة تزورين كـل هـم وتشيلينـه
صباحـك خيـرات ومسـرة وتلحيـن=عقبه يزيـح هـم الليالـي الحزينـه
وهمسك يعطـر كـل صبـحٍ تقوميـن=صبـاح الـ.. اللـي بإسمـك تقولينـه
اَسف ياحبي ياضوى القلب والعين =في كل شيء بخاطرك تذكرينه
ويا الله يااللي تعلـم الزيـن والشيـن=لاتجعـل الأيــام بيـنـي وبيـنـه