مفتون !!

[خليل]

احارب النفس وامنعها = واردها عن صخب وجنون
ليّ قلب لو راح يتبعها = اعيش وسط العرب مفتون

[النادر]

الله يعطيك العافية اخى خليل
ومين يطاوع النفس يتوه
وهى الاماره بالسوء

[العطاوي]

خذها من قريب في جده،والله يكفيك شر الشده

النفس سلطه ترى معها "=" لاحدقت وأمعنت بالنون
تلا حق العين وإردعها "=" ياصاحبي والأمور تهون

[خليل]

هلا بالاخ العطاوي خلينا نلطف هذا الجو المكهرب ونخليها 00حب 00حب فقط
من أول الوقت طابعها = تهيم لاشافت المزيون
ومهما احاول وأقنعها = لكنها بالحقيقه تخون

[العطاوي]

أول تحول ووسعها "=" الساحه اللي لهاتطرون
واليوم كثرة شوارعها "=" عندالإشارات ينبثرون

[دفاولا]

من حقها النفس متعها= في مالها يا العزيز تمون
بس انتبه لا تطاوعها=في امرها لابدا لك دون


تحياتي

[خليل]

حبايبنا النادر العطاوي دفاولا للتسليــــــــــــه فقط !!
نظره وماعاد نرجعها = لكنها نظرة المطعون
والناس تتبع مواقعها = وانا عن متابعه مسجون

[الرا مــــي]

أنا ملقــ ـ ـ ـ ـ سامحني



نصيحتي كيف تسمعها=لاصارفيها الجنون فنون
في داخل الجوف موقعها=الود ماله نظر وعيون

[خليل]

ا خي العطاوي السلام عليكم ورحمة الله وبركاته ارسلي رساله على البريد علشان اعطيك الرقم وعذراً تراني ماشفت كتابتك لو ما نبهوني اخواني لها شايب مايشوف كبر الخط له وبعدين ما اعرف ارسل رساله لكن لاجاتني رساله اضغط على الرد وارد عليها
وللجميع تحياتي ،

[العطاوي]

شوف الظبا في مراتعها "=" يلد له داين ومديون
العين تـنـبـش مواجعها "=" والقلب يالله عليه العون

[دفاولا]

النفس والعين طبِعها=تبعد مسافه عن المصيون
وفي ملكهادوم طمِعها= لا قيل فيها ولا يوحون

[خليل]

شكراً نصايحك سامعها = مقبول منّك ولا توصون
هذي ملذات ماتبعها = والفكر عندي ترى موزون

الاخوة العطاوي شكرً على تواصلك انا مع البريد في نشبه ما اعرف كيف افضيه رقمي عند ابو فواز اتصل عليه تقدر تأخذه من عنده وحياك الله
دفاولا شكراً على تواصلك خلف هذا الرمز شاعر متمكن اتشرف بتواجدك معي
الرامي من طول الغيبات جاب الغنايم هلا بك ومرحباً بعودتك وتواصلك
وللحميع تحياتي ،

[دفاولا]

نأسف اذا زاد طالعها=وإعلم تري للحديث شجون
من حولنا شفت واقعها= ولا قصدنا باالنصايح عون