خاطره

[خليل]

صافي معه والصفا عاده = لكن صفانا لهم ماراق
ولمّا الصفا زان بزياده = جتنا مشاكل معه ونفاق

[النجاب]

تبغى صفى ناس قصادة = خلك معي واترك البراق
راحة صفا النفس ياسادة = عندي وعندك لها مطراق

[الغانمي]

الأستاذ خليل تقبل مني هذه المشاركه البسيطه وسامحنا..


لاتخلف الطبع عن ماده = وخل الصفا يبلغ الآفاق
مايعيِّب الطيب ورّاده = لو عيَّبه ناقص الأخلاق

[خليل]

مرحباً اخي العزيز النجاب اسعدني تواجدك

لي قلب يمشي على مراده = ودايم على الطيبه سباق
من جاه يقريه من زاده = والحر ماينربط بوثاق

[خليل]

هلا باخي العزيز ابو سعود
القلب لاتخاف لو ساده = بعض الزعل مايجيه اخفاق
وللطيب اهله ورواده = مادام ورده يجيب وفاق

[النجاب]

يشهد لك القيل وانشاده = ماهي شهادة رياء ونفاق
الطيب راقي على شداده = ذا شي ثابت على الاوراق

[خليل]

تسلم وحنا لنا رفاده = نعطيك حلو النّبا مصداق
يامبدع القيل ياستاده = بالطيب تنهل من الأعماق

[النجاب]

الطيّب الطيب يقتاده = وتلقى الوفاء ساقته منساق
وماكل فارس على جياده = في ساحة اهل الوفاء سباق

[خليل]

اهل الوفاء تعرف ابعاده = وتحسب لها لو بها مدراق
وكلاً حسب خطة إعداده = يمشي على منهجه ذواق