المساعد الشخصي الرقمي

مشاهدة النسخة كاملة : تكفوون وشي تعني هالكسره((من واحد إطرح نصيفه وهات))


محمد الحـربي
08-02-2005, 05:01 AM
تكفون من يشرحلي هالكسره ويقولي وش تعني الارقام ...:confused:

هذي الكسره مع الرد


من واحد إطرح نصيفه وهات=خمسـه ورد العـدد ثـانـي
وإتامل الاحرف ألـي جـات=وفـرزن الإسـم يـا بانـي
الرد
من حفظنا الدرس فا التورات=نحـوي قرينـى وسريانـي
ونفهم مثـل هـذي القـالات=لا جـات بسمـي وعنوانـي
إسمع عدد كائـن الحسبـات=وأحد علـى إثنيـن والثانـي
ضيف النصيفه على الخمسات=تلقى الإسم طبق مـا جانـي



اخوكم
محمد الحربي
ابو باسم
08-02-2005, 05:19 AM
الاخ محمد الحربي تحية طيبة
وخذ الجواب



فالمشتكى فاول الابيات=تلقاه واضح وبراني
وفالرد في رابعه بالذات=مذكور وتشوفه اعياني



تحياتي
محمد الحـربي
08-02-2005, 07:54 AM
ياليت من يشرحلي الابيات بالتفصيل ودي اعرف معانيها ...

ياليت من يفهمني وش تعني كل كلمه من الابيات ......




تكفون ابي اعرف كيف جات:confused::confused:
محمد الحـربي
09-02-2005, 12:19 PM
معقول ما احد يعرف معنها وكيف جا المعنى...........





........................انتظر الجواب بلهفه.............................
ZEYAD
22-02-2005, 12:45 AM
ي ا ب ا ن ي ....والله اعلم
الذراع
28-02-2005, 04:32 PM
بسم الله الرحمن الرحيم

هذه الكسرة و ردها من رابغ ولكن لا أعرف من قالها لأنها قديمة جداً ولها قصة و هي :

واحد من الروابغة كان مسافر و رجع إلى رابغ وجاءته دعوة إلي طعام العشاء من أحد أصحابه و أثناء وجودهم في هذه الوليمة قال الضيف هذه الكسرة :

من واحد إطرح نصيفه وهات = خمسـه ورد العـددثـانـي
وإتامل الاحرف ألـلي جـات = وفـرزن الإسـم يـا بانـي

وجاءه الرد من أحد الحاضرين :

من حفظنا الدرس فا التورات = نحـوي قرينـا وسريانـي
ونفهم مثـل هـذي القـالات = لا جـات بسمـي وعنوانـي
إسمع عدد كائـن الحسبـات = واحد علـى إثنيـن والثانـي
ضيف النصيفه على الخمسات = تلقى الإسم طبق مـا جانـي


ألإسم المقصود في هذه الكسرتين هو ( الحديّه)و إليك التفاصيل :

لا يوجد في حساب الجمّل نصف واحد لذلك أكتب واحد بالحروف وخذ حرف الحاء و حرف الدال

الحرف الخامس في حساب الجمّل هو حرف الهاء

و إذا رديت عليه يصبح العدد عشرة والحرف العا شر في حساب الجمّل هو حرف الياء

وسلامتكم
مـكاوي
03-03-2005, 03:16 AM
وشكرا خاص للاخ الذراع......


لاكن ياليت تكتب حروف حساب الجمل ......
الذراع
08-03-2005, 03:46 PM
حروف حساب الجمّل هي :

ابجد هوز حطي كلمن سعفص قرشت ثخذ ضظغ

أ = 1 ، ب = 2 ، ج = 3 ، د = 4

الهاء =5 ، و = 6 ، ز = 7

ح = 8 ، ط = 9 ، ي =10

ك = 20 ، ل = 30 ، م = 40 ، ن = 50

س = 60 ، ع = 70 ، ف = 80 ، ص = 90

ق = 100 ، ر = 200 ، ش = 300 ، ت = 400

ث = 500 ، خ = 600 ، ذ = 700

ض = 800 ، ظ = 900 ، غ = 1000
مـكاوي
12-03-2005, 01:04 PM
مشكور اخوي ومادري كيف اشكرك ...........


تحياتي لك وحتراماتي