خاصــــــة للبنك /// خليك مبسوط يابنك

[الذهب]

يابنك هجر الاحبة يلوق=فالعيد بالذات لفؤادي
يعكرونه بعد مايروق=ويروق مشروب حسادي

[البنك]

اهلا يالذهب

لاباس بين الاحبة حقوق=والصلح بيناتهم عادي
جيب الخصم واشرح المنطوق=لاتكون انت الذي بادي

[الذهب]

يابنك

ماني لاحد فالهوى محقوق=واسمع خبر امس فالرادي
عن اسم من شهرته مدروق=واخبار الانباء شهادي

[الطيار]

بعد اذنك يالذهب ابغى اردف على كسرتك

يابنك احكم تمام وفوق=وارسم على طالع البادي
ضيعت لاهل الحقوق حقوق= ليّمت بادي على حادي

[البورصة]

الاخ الطيار
لايقبل البنك كسرتك لان كلمة حقوق مكررة واردف معكم بعد اذنكم

كل شي في حسابنا ملحوق=لاتهاجم الناس وتعادي
خليت باب المثل مغلوق=يابنك عن فرحة اعيادي

[الطيار]

تعاد

يابنك احكم تمـام وفـوق = وارسم على طالع البـادي
شتت صافي الفكر والروق = ليّمت بادي علـى حـادي

[ابو فواز]

مشاركة مني اليك
اللي نخيله وراه بروق= درك حبالك ولاوتادي
خلك على خبرنا فالسوق= لاتضيع في وسطه الوادي

[شاكر]

سعادة البنك
فرصة اني اردف
والموت مع الجماعة رحمة
وانا لها


ليا سهم مكسبه مطبوق=وسهمين من قبل لولادي
ماكان تسجيلها موثوق=مدونه في ورق عادي

[البنك]

لك ايها الذهب

شمس الحقيقه عليها شروق=ومعاني القيل ميرادي
عمر العدل ماظلم مخلوق=ماشي على الحق متهادي


ولمن اردف اقول



1 الطيار
احسب كلامك نقي مرفوق=بثبات في صفحة النادي
اتريه عسمة ورق محروق=مايجوز نشريه ونفادي
..........
2 البورصة
مال الربا دايما مسحوق=ومحصولكم ماوصل مادي
خليك تحت المذلة ذوق= منبوذ ياناهب بلادي
........
3 شاكر
كلامكم طالعه مسروق=ماهو مع القيل متقادي
راعيه صاحب عقل مصفوق=مغرور جاهل ومتمادي
ويصحابنا سامحونا


ولابوفواز
ونيسي فالمنتدى


اللي نخيله وراه بـروق = درك حبالـك والاوتـادي
خلك على خبرنا فالسوق = لاتضيع في وسطه الوادي
ماقول شيء يابوفواز

[الطيار]

شايف نفسك على ايه