الصبر ماله معي طاقات.....لحن كامل

[عيسى حامد]

السلام عليكم ورحمة الله وبركاته
هذا
اللحن دار بيني وبين الشاعر / ناصر عليثه المحياوي)ونتمنى أن يحوز على أستحسانكم وتقبلوا خالص تحياتي


عيسى حامد/
ياشمس لاتشرقي لحظات=قفي عن مشاهد عيوني
ياشمس لعيادنا فرحات=لاتشرقي والفرح دوني

ناصر المحياوي/
ذكرتني كل ماضي فات=واصبحت أنا منك محزوني
مثلك وصال الأحبه مات=وعيدي يظاعف من أشجوني

عيسى حامد/
لأوين وانا أنثر الدمعات=وكثر البكى باح مكنوني
صدمات تاتي ورى صدمات=ياليت ألاصحاب يفتوني

ناصر المحياوي/
شاجيتني بأحزن ألابيات=وخليتني شبه مجنوني
لأشفت دمعك على الوجنات=دمعي تساكب من اجفوني

عيسى حامد/
هيا معي نشكي العبرات=ونتوج ألاه بفنوني
أهاتنا نزيدها باهات=سجين يشكي لمسجوني

ناصر المحياوي/
قالوه في سالف الأوقات=ماللأسى طب مضموني
ومهما نعاني من اللوعات=نصبر على كل مايكوني

عيسى حامد/
الصبر ماله معي طاقات=من يوم الأحباب كبوني
عاملتهم بالوفا مرات=لاشك راحوا ونسيوني

ناصر المحياوي/
الجرح يبقى لهم غايات=يرموك مره ويرموني
صبولنا المر في كاسات=أسقوك كاسات وسقوني

عيسى حامد/
أنت تعرف حالتي بالذات=وتدري عن اللي جرح نوني
أحياء عاشو لنا أموات=ولاظنهم يوم يأتوني

ناصر المحياوي/
إلى متى نكرر الونات=دمع وأسى وحزن وطعوني
يارب ياسامع الدعوات=يالله يامكون الكوني
أنت اللذي تنزل الرحمات=وأمرك من الكاف للنوني
تغفرلنا كامل الزلات=لاصرت بالقبر مدفوني
ويصحابنا سامحونا

[ناصر الصواب]

الشاعرين /

عيسى حامد

ناصر المحياوي


كل عامٍ وأنتم بخير


كم إستمتعنا بهذا اللحن الجميل وفي ليالي العيد السعيدة

ولروعة الكلام وسياقة المعنى أتى قلمي إلى صفحتكم

ليسطر إعجابه بهذا اللحن وينثر الورود على هذه الصفحة ،

ومن خلال وجودي هنا ، وقبل خروجي من هنا ، وبعد

خروجي من هنا ، أخذت أردد وأقول :


الجرح يبقى لهـم غايـات=يرمـوك مـره ويرمونـي
صبولنا المر فـي كاسـات=أسقوك كاسـات وسقونـي




أنت تعرف حالتي بالـذات=وتدري عن اللي جرح نوني
أحياء عاشـو لنـا أمـوات=ولاظنهـم يـوم يأتـونـي

ذهب
من
هنا
وهو يردد


أحياء عاشـو لنـا أمـوات=ولاظنهـم يـوم يأتـونـي