عاشق بالخبره

[خليل]

قالو توقع لمعياره = واحسب معه لابغيت حساب
مثله اذا صاب بعياره = يرديك ولاّ تسير مصاب
وانا الهوى سابر اغواره = مشيت دربه وكنت حضاب
واخذت حلّوه وامراره = ولازال قلبي منه ماتاب

[متنبي]

أستاذي 0 دعني اتعلم منك واقول
يااستاذ تشقيني اخباره = يرعاك رب الملا الوهاب
راعي وفا دايم شعاره = الصدق مع جملة الاصحاب
الود لاتهمك اخطاره= اعزم وعن سكته لاتهاب
يازينها قطفة اثماره = للي يلاقي عنا وانشاب

[القالط]

شرحك سرى واطيا ناره = ومّنه لحقنا اسى وعتاب
كل مانونا ترك كاره = يرجعلنا كنه الملهاب
وخضنا المعارك مع اسراره = وسرنا نعلم به الطلاب
وكل ماعدل حالنا زاره = طيف الهوى رجعه للباب

[خليل]

المتنبي تغمرني بأدبك وحسن خلقك الّذي اتحسسه من كلماتك لك مني كل الشكر على هذا الدعاء وعلى هذا الابداع
القالط كالشمس تشرق على مشاركاتي لتزيدها دفء وحنان لك مني كل التقدير