عاجل للبنك

[أبو رامي]

اتصل بي أحد الشعراء وطلب مني توجيه هذه الكسرة للبنك


بعد الضمان الذي لا تم = هات الرقم وافتح حسابي
جاري ولا انقل معاه الهم = مضمون لا تجعله رابي
من خوف لا يحترق لي دم = عليه أو يندع أصحابي
تحويشة العمر كل ما لم=قلبي من الود يخلابي

[البنك]

هات الحفيظة ولاتندم = مادمت للصيرفه جابي
هذا اذا كان متراكم = مطلوبكم سيّل لعابي
هوّن ترى المسالة واعلم=لاتكون في موقف ارهابي
لك في رصيد التداول كم = ياصلك من فهرس كتابي


ياسلام
على شاعرك يابورامي تراه ماهو هيّن

[الجودي]

ماشاءالله
والله ان الشاعرين ما هم هينين
تسلموا لنا على هذه الجوده
والظاهر ان الايداع في خزينة الامانات سبايك ذهب

[أبو رامي]

مشكور يا بنك مـا نعـدم=جاني ردودك على خطابـي
أبغى اعتذر قبل مـا نغـرم=واصفق يميني على ما بي
لا هي طماعـه ولا مغنـم=لاجيت وأبغى أشرح أسبابي
لقيـت بوابـكـم أبـكـم=من منطقه قلـت بنجابـي

[البنك]

الليل مادام يعرفك ابورامي

راجع معي دروس فالمعجم = لاتقول لاعب بها اعصابي
كل الذي تحسبه اطرم = يرطن لاتيني على عرابي
يلزمك لخطابنا تفهم= وتقرا مجلد من احزابي
وتراجع البنك فالمرسم = ولاتعلن البيج عنّابي
ماني على جهلكم مرغم= ماعاش منهو تسلاّبي
مادمت تشكي لنا معدم = هذي الافادة وتجوابي
انا هنا البنك لاتهتم = والبنك ميموّل غيابي
عندي رصيد المساير دعم= داريه وانا اعلن اعجابي

[أبو رامي]

وراعي العود لا قسّم = سيكا وبنجك مع حرابي
اللي سمع للطرب يزهم = عليه رد اللحن يا بي
وحاسوسه القلب ما يسأم = يدرى ويسعى على طبابي
ما شفت في مرجعك بلسم = ولا تعدّى وحيّا بي
يا بنك مثلك كمال أدهم = كثير ما وافق مصابي
ولا وصف لي عنه مرهم = جرحي وسقمي ولوّابي
وأبغى أتحول على الأسهم = عساه حظي وكسابي
لا كف من يمكم وأظلم = ليل الرجاء وأقفل أبوابي

[البنك]

العود لموالفه تكرم=أشّر ونا اجيك كعّابي
لبسطك واجعلك ماتنغم=وازودك زي طلابي
واغني افتح لي ياسمسم=وانا مسامحك فاتعابي
ولو كنت في مايح القلزم=لاكلك قبلا تعشابي
اما اذا تشتكي مفعم=سقمك ولك جرح ماطابي
هيا استمع وصفنا الاسلم =دواك لاكنت منصابي
ياحبيّبي الود مايرحم= يلزمك ترعاه وتحابي
ون كنت للمريسه تحلم= اخر علاجك تكوابي

وغيره يابورامي غيره