المساعد الشخصي الرقمي

مشاهدة النسخة كاملة : مع التحيه لك يابو محمد


الرحال
11-01-2005, 08:49 PM
عزيزى واخى الوفى ناصر الحجورى الشاعر الدولى الموقر
تحياتى واشواقى القلبيه ابعثها لك من ربوع الدمام راجيا لك من المولى
عز وجل دوام الصحه والسعاده0 عزيزى ابو محمد اليك مع التحيه هذه
البيتين واملى ان تحوز على رضاك


طشتنا الأقدار فالدمام=واقدارنا وين عنها نروح
يامن درى تردنا الأيام= والا مع الرايحات تروح
ناصر الحجوري
12-01-2005, 04:43 AM
ابوسالم
اشوفك رديتني لسبع سنين وراء يوم راح محمد للجامعة عندكم يوم اقولك



يامجربين الفراق اعوام = والبعد اصبح لكم عادي


شوقي على ساكن الدمام = شوقك على ساكن الوادي


عرفت يابو سالم كيف كنت امثل لك شوقي فحينها
بفس هذا الشوق اللى انت تشعربه الان
ولكن الحمدلله الديره وحدة والمطار قريب من البيت وسكة الحديد جايه من مكه

وعهد الجمال روح
واليك يابوسالم بعد هالخثردة مثل ماتسميها انت هذا المردود مع التحية

ماهنا ك غربة وبعد الزام = ومن حولك احامدة وصبوح

والغيب علمه مع العلام = واحد من الغيب علم الروح
الرحال
12-01-2005, 03:09 PM
اليك مع التحيه ياابومحمد



مهما يكون الحنين ارغام=فالقلب ساكن عنه مايروح
وحنا على الشوق ماننلام=مادام له فالفوءاد طموح
ناصر الحجوري
13-01-2005, 08:25 AM
اخي الغالي عايش الاحمدي
اليك مع التحية




شوق المودين بارق عام = لكل القلوب البعيدة يلوح

وابن أدم مسير الاقدام = يمشي حسب مانكتب فالوح
الرحال
13-01-2005, 02:40 PM
عزيزى ابو محمد مااقولك الخثرود خثرود
لك مع التحيه ايها الحبيب الغالى

آنا وانته بناخذ زام=فى ودنا الغالى المسموح
ناخذ ونعطى مع الفهام=باللى نشوفه لنا مصلوح

اخوك الرخال
ناصر الحجوري
14-01-2005, 05:31 AM
اخي الغالي عايش الاحمدي الرحال

اليك يابوم سالم مع التحية


لاتبعد اللي سبق قدام = اللي بنينا عليه صروح

حتى لاواحد من الاقلام = نلقاه كاتب عليه شروح
الرحال
15-01-2005, 09:17 AM
عزيزى الفاضل ابو محمد الشاعر الدولى
اسعد الله اوقاتك بكل خير0
اليك مع التحيه والتقدير

ياشادى بأعذب الأنغام=اسمعك والسمع لك مطروح
غرامنا من سنين اقدام=من عندليبه شذاه يفوح


تحياتى لك وكل عام وانتم بخير قبل الزحمه