المساعد الشخصي الرقمي

مشاهدة النسخة كاملة : ضحك السعادة


ناصر الحجوري
11-01-2005, 03:57 AM
زماااان ضحك السعادة راح = عني ولا رجعت اوقاته


حتى انشراح الخواطر شاح = وضيق الصدر خابر سواته
الرحال
11-01-2005, 05:15 PM
الأخ العزيز ابو محمد
وراك وراك وين تفلت منى حبيبى ابو محمد اشوفك
شعللت المنتدى بالمشتكيات الرهيبه يارهيب 0
والآن اليك هذ الرد المتواضع


مافيه ياصاحبى مرتاح=كلن بهمه وآهاته
لكن الصبر للفرج مفتاح=وربك يهون عسيراته

مع اجمل تحياتى لك ياغلى
متنبي
11-01-2005, 05:44 PM
تقبل ردى المتواضع امام ابداعكم
خل الامل في الحياه سلاح = والصبر بلسم لمأساته
ذا وقت خلى عقول صحاح= تحتار ياخوي في سواته
ناصر الحجوري
11-01-2005, 05:46 PM
ياسلام ياسلام يابو سالم

واه لو ماقفلتها بالصبر كان خليتني افضفض شوية

تسلم اخي وصديقي العزيز الغالي
دمت على خير ولك التحية
ناصر الحجوري
11-01-2005, 05:53 PM
حتى انت يامتنبي قفلتها بالصبر

وش تبغاني اقولك انت وابوسالم غير الله يعطيكم العافية

شكرآ حبيبي المتنبي على هذا المردود وتقبل خالص التحية
خليل
11-01-2005, 07:14 PM
اخونا العزيز ابو محمد مساك الله بكل خير

قليل بهذا الزمن مرتاح = والكل عانا مراراته
لعل كل الهموم تزاح = عنك ولاتشوف قسواته
ابو فواز
11-01-2005, 09:58 PM
تحية لجميع الاخوة /
الرحال ، المتنبي / العمدة خليل
مع الأجاويد اليك ردي أخي الغالي / ابو محمد

ماحي سالم من الأجراح=اللي تعكر صفا ذاته
وباب السعادة لها مفتاح=الصبر معروف رداته