جمود !!

[خليل]

ماهذا الجمود الذي نعيشه الاخبار دوختني لذا قررت ادوخكم انتم ايضاً معي واكسر هذا الجمود


ثار البحر وانتشر سونام = حتى انا ثار سونامي
واصبحت من حالتي مانام = لما تغير على هيامي
،،،،،،
ابغى ادندن لأهل الود = احلى نغم واعزف أوتاري
لعل بعض القلوب ترد = اللي لها اكتب اشعاري

[متنبي]

أستاذي الكريم 0 ليس رد وانما مشاركة
لاأستفيد من حرفك السلس

عساك سالم لنا يا عد = ومحروس بعناية الباري
وش حيلة العاشق المجهد = اللي على وده يداري

[ابو فواز]

أخي الشاعر المرح / خليل
اليك الرد
سمعت صوتك وجيت أمد=عزف النغم ردني اجباري
والله عن مثلكم ماصد=لعطيك من ناتج افكاري

[خليل]

هلا والله بالمتنبي و إليك مع التحية

لازم معه تجتهد وتجد = وتكون بالعشق بحاري
تبحر معه حين وقت المد = وتبعد عنه والبحر عاري

[خليل]

هلا بابو فواز وحياك الله واسف على التأخير توي وصلت البيت وفتحت النت وإليك مع تحياتي بس انتبه السر في بير 00!!

راعي وفا من عرفتك سد = وابغى معك اكشف اسراري
لي قلب ما ينعذل لا لد = ويهوى الغنادير و يطاري

[متنبي]

أستاذي الكريم0
كل ماتقرب منه يبعد = ولاحسب حساب للجاري
كيف اجبر القلب عنه يصد = واشيل طيفه من افكاري

[ابو فواز]

حياك الله يااباهاني
انا رجل احب العدل واخاف
مسموح للي بغاه وجد=وعنده من العزم ياخياري
واخاف واخشى عليك الضد= ترجع وراء قبل لاتماري

[خليل]

ليه الاحراج يابوفواز00 !!
لاتحطني في مواقف حد = مثلي انا ذيب هوداري
لكن اخاف العر ب تنهد = والنفع ينقص عن اضراري

[خليل]

اخي متنبي إليك مع التحيه
حاول معه والظروف تجد = يمكن حصل بالامر طاري
واذا لقيته معاك مصد = كبه وغيره لكم شاري
ويصحابنا سامحونا

[ابو فواز]

ترى مزوح وهرج يروح
مارضى عليك الضرريمتد=وتحرج من الواقع الجاري
مادام موج السنامي اشتد=لاتقرب الشط وتباري

وتمنياتي لك بالتوفيق

[البنك]

اخينا الشاعر خليل
حاولت اتصل عليك لاتعرف عليك وانا في جده
لكن سامحني الظروف كانت صعبة


ياخل لجلك اصيل الجد= الكل عن عرفكم داري
ورصيدكم طيب ماينعد= وانا لاهل الهوى شاري
دندن عسى خاطري يسعد= وبنغامكم تنطفي ناري
واهل القلوب الحزينة تود=ويكف من دمعها الجاري
]

[خليل]

الصفحة هذه سميتها جمود وأراها انتعشت بـ متنبي وابو فواز وهاهو البنك يطل علينا ونظراً لعدم معرفتي بوجوده احتاج بعض الوقت لاحضار اوراقي الثبوتيه 00!!
اخي ابوفواز إليك مع تحياتي وتقديري

هذي هواجيس ماتنعد = واحلام تخرج من اوكاري
ولا الحقيقه انا في سعد = راضي بوضعي ومقداري

ويابو فواز عصفور باليد00 وكمل00 ويصحابنا ســـامحونا

[ابو فواز]

تحياتي لجميع الأخوة الأفاضل
المتنبي ، والشاعر العملاق / ؟؟؟؟البنك
كما اشكرك يأخي خليل على تواضعك وسعة صدرك وقد استفدنا منك الكثير
وأخيرأ من ؟؟ سلم وتمنياتي لكم بدوام الصحة

[خليل]

اخي العزيز البنك زادني شرفاً حضورك صفحتي وتشرفت اكثر محاولتك الاتصال في وانت في جدة ومن سأل ماتاه وقولك لي الشاعر هذه شهادة اعتز بها من البنك لأنني فالحقيقة هاوى فقط اما الشعر والشعراء فله اهله00 انا اخطىء واصيب وارجو قبول محاولتي ولكم تحياتي ،

يانجم بالمنتدىله لد = شعارنا صغار 00 وكباري
ترحيب شامل وماله حد = وان جيت مفتوحلك داري
لجلي انا بمثلكم اعتد = وبأهل الوفا يزيد مقداري
،،،،،
وليه طلب ما ابي ينرد = ان كنت تعرف لمقداري
بعض التصاريح عنها حد = تسلم 00وتكبر بمعياري


اخي الحبيب ابو فواز اسعدتني أطلالتك واعلن الاستسلام ولكم تحياتي ،

[القالط]

مثل البحر فالجزر والمد = مامثلكم فالبلد شارى
تشرى محبه وتشرى ود = والحب مع ودكم جارى

[خليل]

مرحباً بالاخ العزيز القالط وهذا بعض ماعندكم ولكم تحياتي

نبحث عن الطيبه ونجد = ونرقالها جبال وحراري
ومكسبي من الرجال يسد = مثلك وشرواك معياري