وودي ابكي .. مير ما للقلب عين

[النادر]

بسمك اشهق .. كل مانادي منادي
وليت مالي قلب .. او شوف بعين

اه ياللي لجلك .. يهون البعادي
وكان وضعك مثل وضعي .. قلت زين

صعب اصافح عقبك .. اقصار الايادي
وكيف اصافح غيرك .. ومالي يدين

يوم اخذتي قطعتين .. من فؤادي
صار عمري .. كل ابوه بقطعتين

اشهق .. اشهق .. والله اعلم عن مرادي
انك تزينين .. وان حظي يزين

والحياء اللى لين جيت .. يصير حادي
واقف وقفه .. وعيا لايلين

غصب اصيح اصياح .. وانفخ فى رمادي
لاطفت نار .. ولاخف الحنين

وان تنكرتي .. لمهجور المبادي
بوصلك .. لوك لوصلي ماتبين

وساهر البارح .. وخالفني رقادي
واسود الدخان .. فى عيني يبين

وانعقد حبل الوصل .. والشوق زادي
واحتريتك .. مثل ماجيتك تجين

ديرتي قلبك .. وفعيونك ابلادي
وودي ابكي .. مير ما للقلب عين