قصيده للشاعر الامير محمد احمد السديري// حلوٍ نباه وقلبه اسود من الصاج

[الريفي]

الله من همٍ بروحي سهجها //// بخافي ضميري في كنين الحشا لاج
احر من نارٍ توقد وهجها //// منها خطر روحي على سلك ديباج
وعينٍ عسى المولى يعجل فرجها///يفوح ناظرها كما عين هداج
استرسلت للدمع من مارهجها ///غيظ يكظ عبارها مثل الامواج
كم واحدٍ له غاية ماهرجها ///يكنها لو هو للادنين محتاج
يخاف من عوجاً طوال عوجها ///هرجت قفا يركض بها كل هراج
يقضب عليك المخطيه من حججها ///حلوٍ نباه وقلبه اسود من الصاج
الله خلق دنيا وساعٍ فججها /// وعن مايريب القلب لك كم منهاج
والرجل وان شطت لياليك سجها/// عسى تواليها تبشر بالافراج

قصيده للشاعر الامير محمد احمد السديري

فيها من الحكم والعبر امل ان تنال اعجابكم

اخوكم محمد جميل الريفي

[الجهني]

أخي محمد اشكرك على هذا الاختيار لهذه القصيدة الرائعة للأمير محمد السديري

اطلب منك الإذن لي بإعادة كتابتها عن طريق برنامج الشعر حتى يسهل على المتابعين قراءتها


الله من هم(ن) بروحي سهجها = بخافي ضميري في كنين الحشا لاج
أحر من نار(ن) توقد وهجها = منها خطر روحي على سلك ديباج
وعين (ن) عسى المولى يعجل فرجها = يفوح ناظرها كما عين هداج
استرسلت للدمع من مارهجها = غيظ يكظ عبارها مثل الامواج
كم واحد(ن) له غاية(ن) ماهرجها = يكنها لو هو للادنين محتاج
يخاف من عوج(ن) طوال عوجها = هرجة قفا يركض بها كل هراج
يقضب عليك المخطيه من حججها = حلو(ن) نباه وقلبه اسود من الصاج
الله خلق دنيا وساع(ن) فججها = وعن مايريب القلب لك كم منهاج
والرجل لو شطت لياليك سجها = عسى تواليها تبشر بالافراج