ياناوى البعد .. عنك البعد يسعدني

[النادر]

http://www.arab-pics.net/data/media/98/arb123-romace-8.jpg
ياناوى البعد .. عنك البعد يسعدني
ابشر برجل .. يعز النفس ببعاده

مليت منك الغرام .. اللى امجاهدني
بنسى وفاته .. واعيش ايام ميلاده

دايم بحبك على الفرقا .. تهددني
واليوم خذ ماتبي .. من كف وراده

باكر اليا طال معك الوقت .. تفقدني
واتعرف من كان .. منصح لك من افواده

تلقى جواب .. عليه العام تنشدني
وان الرجاجيل .. فيها نقص وازياده

وتحس بالنقد .. كانك قبل تنقدني
واتميز الحق .. مصداره وميراده

كنت احسب الوقت .. عنك مايبعدني
واثريك ودك .. يزيد الوقت بعناده

نسيت عهدك معي .. يومك تعاهدني
يوم ان نفسك معي .. للحب منقاده

كلن على عشرتي وياك .. حاسدني
حتى اقرب الناس .. حساده ونقاده

ياكبرها منك .. بس اللى امعقدني
وشلون شخص عطاك الحب .. مافاده!

عيت اظنوني .. بحبك لاتساعدني
مات الغلا .. واعلنه للناس بحداده

برحل لحب .. على العزه يواعدني
واخلي الشوق .. ناره دوم وقاده

حب صدوق .. بعطفه مايعاندني
يعوضني فى غرام .. زاد بجهاده

قليي على اللي يبيه .. اليوم يرشدني
ابكسب رضاه .. واتبع كل ماراده

ولاهي غريبه .. ظروفي ماتساعدني
دايم ونفسي .. على الصدمات معتاده

[لازوردى]

أخوى النادر
صـــــــــــــــح لسانك
قصيده رائعه بالفعل , أسجل اعجابى
مع خالص تحياتى

أخوك لازوردى