سعد الهلــــولي
17-11-2004, 12:00 AM
عبث شاب عاطل
تقبلوها كما هي
مع العذر مقدما
قصة حزينه كتبها شاعر بيوم عيد = شاعر زمانه وسجل تحت خط الفقر
أول حياته قضاها يدرس ويستزيد = لكن تخرج بنسبة ما تشد الظهر
فتش عن الواسطة في هالزمان العنيد = يبغى وظيفة وراتب في ختام الشهر
مسكين ما ابسط طموحه ما نظر للبعيد = اقصى طموحه وظيفة تجعله يستقر
لكن اقشر الحظ سوى للاجاويد قيد = ما أحد فزعله وكلا غض عنه النظر
من الوظيفة يئس بطل عن اللي يريد =فكر وش اللي يسوي قبل يمض العمر
قرر يسوي تجاره مثل خالد وزيد = لأجل التجارة هي أصل هوايته من صغر
لكن التجارة بحاجة رأس مال ورصيد = من وين له رأس مال ورأس ماله صفر
عود تدين واخذ له فأس قطعة حديد = قال القراشه تمشي حالتي واستتر
عامين يكدح ويشقى من لديد .. الديد = لاما غدا وجهه اسمر من لحاة السمر
نهاية الوضع صدق قول رجلا رشيد = قراش ما يغتني لوهو كثير الشجر
ذي قصتي يا جماعه والسوالف أكيد = واقع ومثلي لقيته واجد من البشر
ضاقت وثارت هواجيسي وعيت تهيد = واحترت ويش افعله ما باقي الا انتحر
ومن ضيق حالي تعلمت الغناء والنشيد = وقمت انظم بيوت شعري وامتهنت الشعر
وأصبحت شاعر زماني كل شعري فريد = والناس صارت تقول الشاعر المعتبر
قابلت شايب نشدني هاه ويش الجديد = قلت أخر اللي كتبته مدح زيد وعمر
يا عم نبغي من اللي نكتبه نستفيد = ما عاد ليّه على شح الليالي صبر
قال انتبه يا ولدنا شوف رأيي سديد = حذراء تدور من ايدين المخاليق أجر
واللي يدور غناته في حروف القصيد = ما يدري إن القصيد أقصر دروب الفقر
تقبلوها كما هي
مع العذر مقدما
قصة حزينه كتبها شاعر بيوم عيد = شاعر زمانه وسجل تحت خط الفقر
أول حياته قضاها يدرس ويستزيد = لكن تخرج بنسبة ما تشد الظهر
فتش عن الواسطة في هالزمان العنيد = يبغى وظيفة وراتب في ختام الشهر
مسكين ما ابسط طموحه ما نظر للبعيد = اقصى طموحه وظيفة تجعله يستقر
لكن اقشر الحظ سوى للاجاويد قيد = ما أحد فزعله وكلا غض عنه النظر
من الوظيفة يئس بطل عن اللي يريد =فكر وش اللي يسوي قبل يمض العمر
قرر يسوي تجاره مثل خالد وزيد = لأجل التجارة هي أصل هوايته من صغر
لكن التجارة بحاجة رأس مال ورصيد = من وين له رأس مال ورأس ماله صفر
عود تدين واخذ له فأس قطعة حديد = قال القراشه تمشي حالتي واستتر
عامين يكدح ويشقى من لديد .. الديد = لاما غدا وجهه اسمر من لحاة السمر
نهاية الوضع صدق قول رجلا رشيد = قراش ما يغتني لوهو كثير الشجر
ذي قصتي يا جماعه والسوالف أكيد = واقع ومثلي لقيته واجد من البشر
ضاقت وثارت هواجيسي وعيت تهيد = واحترت ويش افعله ما باقي الا انتحر
ومن ضيق حالي تعلمت الغناء والنشيد = وقمت انظم بيوت شعري وامتهنت الشعر
وأصبحت شاعر زماني كل شعري فريد = والناس صارت تقول الشاعر المعتبر
قابلت شايب نشدني هاه ويش الجديد = قلت أخر اللي كتبته مدح زيد وعمر
يا عم نبغي من اللي نكتبه نستفيد = ما عاد ليّه على شح الليالي صبر
قال انتبه يا ولدنا شوف رأيي سديد = حذراء تدور من ايدين المخاليق أجر
واللي يدور غناته في حروف القصيد = ما يدري إن القصيد أقصر دروب الفقر