بغداد تفزع تنادي مين

[ابو فواز]

حنا على النت مشغولين=واخواننا حالهم حاله
وبغداد تفزع تنادي مين=والوضع يرثى من أحواله

[أبو فياض]

اخي ابو فواز
ماذا نقول

الصمت خيم علينا سنين= والشجب مليت مواله
قدامها القدس محتلين = مدري متى الوضع نصحاله

[الرا مــــي]

ياللي تعرف الصبر من فين=صبرالعرب وين منزاله
الدم سايل على النهرين=وصدام سافر مع عياله

[الهايم]

لاهنت
وصح لساااااانك
دائماً متألق
وألله ياأبو فواز مانملك غير الدعااااااا ء لهم
أن ألله ينصرهم علي أعداهم

©{« تقبل خالص تحياتي »}©

[ناصر عواد]

لاوين ياذاالعرب لاوين=نخشى من الحرب واهواله
فاض الصبر يارجال الدين=والكل لاهي ولا باله

القاف
ناصر عواد

[ابو فواز]

الله ناصر لهم ويعين=والدين منصور برجاله
ادعو لهم يارجال الدين= شعباً يدافع عن اطفاله

[ابو فواز]

الأخ الفاضل / ابوفياض
دائما لك نظر ه صائبه فيما تقول وصاحب احساس من عقيده راسخه
تشكر على المداخله
،،،،،،،،،،،،،،،،،،،،،،،،،،،،،،،،،
الأخ الرامي
يعجبني طرحك الجميل ولك جزيل الشكر على المداخله

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
الأخ ، الهايم
ممتن من الإطراء ويتقبل الله دعاءك ولك جزيل الشكر على المشاركة
ويعطيك الله الف عافيه

الشيخ الفاضل / ناصر عواد
تشرفني مشاركتك وان شاء الله النصر المبين لإخوننا في كل مكان
ان الله على نصرهم لقدير ، ويذل الشرك والمشركين
وتقبلوا تحياتي

[عيسى حامد]

استاذي الفاضل العم (ابو فواز)يعجزني وصف هذه الكلمات من روعتها
وأحببت أن اشارك في هذى المردود

وتقبل فائق إحترامي

أقف المقفي مع المقفين=يوم أنه الحال يأساله
لأقلت عبدالمعين يعين=روح عشى الذيب وعياله




ياغافر الذنب غفرانك

[ابو فواز]

حياك ياالزاجل
تشكر على المداخله وانا معك اشارك بهذه المداخله


مدري رحاها توقف وين= شله من الكفر وانذاله
جونا من الغرب متحدين=يستنزفواالشعب وأمواله

[الغانمي]

ابو فواز.. لك احترامي


انشوف ومنا دموع العين = تجري على الخد سياله
محنا بهذا الأمر راضين = ولاحد بيرضاه لو جاله
وحنا من الله مسؤولين = والكل ملزوم بسؤاله
منهو اللذي ساعد الشاقين = بدعاه او ساعد بماله؟؟

[ناصر المحياوي]

إليك أبوفواز مع التحيه


يامنزل الملك مع ياسين=ياواحد الكل يلجاله
ياناصر الدين في حطين=ياقاهر الظلم بشكاله
تنصر عبادك بشهر الدين=وتعلن على الظالم إذلاله
قولو معي يالعباد آمين=الله ماخاب من ساله

[انس الدريني]

وهذه مشاركه من الشاعر "عبدالرحمن الصيدلاني"


لاصوم ولاعيد متهنين=والمفتري زادت انكاله
كل يوم اطفالهم باكين=من يمسح الدمع بأفعاله

[ناصر المحياوي]

ألأخ أبوفواز لاأملك إلأأن أشكرك على هذا الطرح من خلال هذه الكسره الجميله التي تفاعل معها العديد من الشعراء
كما انني سعيد بمشاركه شاعرنا الكبير (عبدالرحمن الصيدلاني)
شكرا لك إستاذي عبدالرحمن كما عهدتك كبير شامخ حفظك الله
والشكر مقرون لأخي المبدع (أنس الدريني)أخي أنس أنت حقا تستحق الشكر
لك منا كل الشكر والعرفان على ماتبذله من جهود جباره ساهمت بلاشك
مساهمه فعاله يعجز اللسان عن شكرك دمت بخير,,وفقك الله,,[/ALIGN]

[أبو فياض]

اخي ابو فواز
رايت احد الاخوان يحثنا على الدعاء
اوهذا دعائي في هذا الشهر الفضيل
والله سميع مجيب الدعوات


يالله ياسامع الداعين = في شهر نسترجي افضاله
تقضي على زمرة الطاغين = وتنصر مجاهد تصداله

[الرا مــــي]

يالله طالما طلبها العزيز




بدعواتنا اليوم مجتهدين=مع مالك الكون وأهواله
عساه يظهر صلاح الدين=والمجد يرجع لأجياله

[عيسى حامد]

حكم القوي ضيع المسكين=جار العدو وحرم إقتاله
يستورد الحبس محبوسين=والذيب مايعبث لحاله

[خليل]

ولنا مشاركة
ياالله تنصر حماة الدين = وتقضي على بوش وأنذاله
واللي موالي لهم ويديّن = تخزيه يارب بأقواله

[زرياب]

دعوة سحر علها تمكين=فليلة قدر تكتب اعماله
علاوي الظالم المسكين= ناسي جهنم من اقواله

[ابو فواز]

كل عام والجميع بخير وأهنئكم بقدوم العيد المبارك
اعاده الله علينا وعليكم وجميع المسلمين بخير ،


بقدومه العيدمسرورين= الله يعوده عليناأعـوام
وأقول مبروك من ذلحين =وأهني الشعب والحكـام